Matius 27:12 - Perjanjian Baru Bahasa Melayu Maluku Utara

¹² Tapi waktu imam-imam kapala deng tua-tua Yahudi tudu-tudu pa Yesus, sadiki me Yesus tara bicara apa-apa.

Matius 27:12 ပူးပေါင်းရင်းမြစ်များ

Matius 26:63

Tapi Yesus cuma badiam. Kong imam basar itu bilang lagi pa Dia, “Demi Tuhan Allah yang hidup, Ngana bilang kamari pa torang, apa butul Ngana itu Mesias, Raja yang Tuhan Allah janji dari dulu? Kong apa butul Ngana me Anak Allah ka bukang?”

Matius 27:13

Kong Pilatus bilang pa Yesus, “Apa Bapa tara dengar? Pe banya skali dorang tudu pa Bapa, kong Bapa tara bela Bapa pe diri?”

Matius 27:14

Tapi Yesus tara bilang apa-apa biar cuma satu kata saja, sampe gubernur Pilatus me jadi herang skali.

Lukas 23:9

Jadi Herodes banya batanya pa Yesus, tapi Yesus tara jawab apa-apa.

Kisah Para Rasul 8:32

Yang pejabat itu baca di Kitab Suci, dia babunyi bagini, “Orang-orang bawa pa Dia sama deng dorang ada bawa domba la mo potong. Sama deng domba yang orang gunting dia pe bulu-bulu, Dia cuma babadiam, tara bicara apa-apa.

1 Petrus 2:23

Waktu orang hina pa Dia, Dia tara balas hina pa orang itu. Waktu orang siksa pa Dia, Dia tara ancam mo balas pa dorang yang siksa pa Dia. Mala, Dia cuma serakan saja Dia pe diri pa Tuhan Allah, yang mo adili orang deng adil.