Matius 26:51 - Perjanjian Baru Bahasa Melayu Maluku Utara

⁵¹ Tapi ada satu orang dari orang-orang yang jaga iko pa Yesus cabu dia pe parang kong potong imam basar pe orang karja pe talinga sampe putus.

Matius 26:51 ပူးပေါင်းရင်းမြစ်များ

Matius 26:35

Tapi Petrus bilang pa Dia bagini, “Biar lagi kita musti mati sama-sama deng Guru, kita tara akan manyangkal pa Guru.” Kong Yesus pe murit-murit yang laeng me bilang bagitu.

Markus 14:47

Tapi satu orang yang ada sama-sama deng Yesus di situ, dia cabu dia pe parang kong potong imam basar pe orang karja pe talinga sampe putus.

Lukas 9:55

Tapi Yesus babale haga pa dorang dua kong togor pa dorang karna dong bicara bagitu.

Yohanes 18:36

Kong Yesus bilang pa dia, “Kita pe kerajaan bukang dari dunia ini. Barang, kalu Kita jadi Raja di dunia ini, pasti orang-orang yang jaga biking apa yang Kita suru so datang baku prang untuk bela pa Kita, supaya Kita tara dapa serakan pa pemimpin-pemimpin agama Yahudi. Tapi Kita pe kerajaan memang bukang di dunia ini.”

2 Korintus 10:4

Barang, torang tara lawan pake senjata dunia yang manusia pake, tapi torang pake kuasa dari Tuhan Allah yang bisa kase kala pa apa saja yang malawang Tuhan pe firman. Kuasa dari Tuhan Allah itu bole kase sama deng senjata yang tentara jaga pake untuk kase ancor dong pe musu-musu pe benteng-benteng yang kuat.