Matius 26:5 - Perjanjian Baru Bahasa Melayu Maluku Utara

⁵ Tapi dorang baku bilang, “Jang tangka pa Dia pas di hari raya, jang sampe orang banya yang suka pa Dia mo biking kaco.”

Matius 26:5 ပူးပေါင်းရင်းမြစ်များ

Matius 14:5

Waktu Herodes dengar bagitu, Dia ingin bunu pa Yohanes, tapi dia tako pa orang banya karna dorang anggap Yohanes itu nabi yang jaga kase turus Tuhan Allah pe pasáng.

Matius 21:26

Tapi kalu torang bilang, ‘Manusia yang kase hak’, torang tako orang banya ini akan mara, barang dorang anggap, Yohanes ini nabi yang jaga kase turus Tuhan Allah pe pasáng.”

Matius 27:24

Waktu itu, gubernur Pilatus lia dia so tara bisa biking apa-apa lagi, deng so mulai kaco di situ. Jadi dia ambe aer kong cuci tangan pa orang banya itu pe muka la jadi tanda, dia tara sala, tapi dia cuma iko orang banya pe mau. Dia bilang bagini, “Kita tara tanggung jawab lagi e. Kalu Orang ini mati, ngoni samua suda yang tanggung jawab!”

Markus 14:12

Di hari pertama waktu dorang biking hari raya Roti Tara Pake Ragi, waktu itu dorang musti potong domba Paska. Jadi Yesus pe murit-murit datang pa Dia kong batanya, “Guru, di mana Guru mau torang kase sadia makanang hari raya Paska untuk torang makang sama-sama?”

Markus 14:2

Dorang baku bilang, “Jang tangka pa Dia di hari raya, jang sampe orang banya yang suka pa Dia mo biking kaco.”

Markus 14:27

Turus Yesus bilang pa dorang, “Ngoni samua pe percaya pa Kita akan tagoyang sampe ngoni lari kase tinggal pa Kita. Barang, Tuhan Allah so perna bilang di Kitab Suci bagini, ‘Kita akan bunu pa gembala, kong domba-domba yang dia jaga akan talamburang kasana-kamari.’

Lukas 20:6

Tapi kalu torang bilang, ‘Manusia yang kase hak’, samua orang ini akan lempar kase mati pa torang deng batu, karna dorang percaya, Yohanes ini nabi yang jaga kase turus Tuhan Allah pe pasáng.”

Lukas 22:7

So sampe dia pe waktu, orang agama Yahudi mo biking dorang pe hari raya Roti Tara Pake Ragi. Hari itu, orang Yahudi musti potong domba Paska untuk inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir.

Yohanes 18:28

Waktu masi pagi-pagi skali, dorang bawa pa Yesus dari imam basar Kayafas pe kintal ruma antar di gubernur Roma pe istana. Tapi orang-orang agama Yahudi sandiri tara maso di situ karna gubernur itu bukang orang Yahudi. Barang, kalu iko agama Yahudi pe aturan, dorang mo jadi berdosa kalu ada sama-sama deng orang yang bukang agama Yahudi, kong orang agama Yahudi yang jadi najis itu sabantar so tara bole makang pa dong pe hari raya Paska.

Kisah Para Rasul 19:29

Kong samua tampa di kota Efesus jadi kaco. Orang-orang itu pigi rame-rame tangka pa Gayus deng Aristarkhus, barang dorang dua ini orang Makedonia yang biasa sama-sama deng Paulus. Dorang bawa pa dong dua di lapangan basar, tampa orang jaga bakumpul.

Kisah Para Rasul 21:38

Berarti ngana ini bukang orang Mesir itu yang bolong lama ini marontak pa pemerinta kong bawa lari ampa ribu orang yang tukang biking kaco pake senjata di padang gurun.”

Kisah Para Rasul 4:28

Itu samua jadi karna Tuhan Allah so tentukan dari dulu, kong itu Tuhan Allah pe mau deng Tuhan Allah pe kuasa.