Matius 26:45 - Perjanjian Baru Bahasa Melayu Maluku Utara

⁴⁵ Abis berdoa, Dia bale ka sana pa Dia pe murit tiga orang itu. Dia kase bangun pa dorang kong bilang bagini, “Ngoni masi tidor deng istrahat lagi? Skarang so dia pe waktu, coba ngoni lia, Anak Manusia yang dari sorga mo dapa serakan pa orang-orang berdosa.

Matius 26:45 ပူးပေါင်းရင်းမြစ်များ

Matius 26:18

Kong Yesus bilang pa dorang, “Ngoni ka sana di kota Yerusalem, di sana ngoni akan baku dapa deng satu orang. Bilang pa orang itu bagini, ‘Guru bilang, Dia pe waktu so tara lama lagi. Jadi di torang pe hari raya Paska ini, Dia mo makang sama-sama deng Dia pe murit-murit pa bapa pe ruma.’ ”

Matius 26:2

“Ngoni so tau to, tinggal dua hari lagi torang orang Yahudi mo biking hari raya Paska untuk inga waktu Tuhan Allah kase bebas pa torang pe orang tua dulu-dulu dari bangsa Mesir yang jaja pa dorang. Kong waktu hari raya itu, ada orang yang mo serakan pa Anak Manusia yang dari sorga untuk dapa salib.”

Matius 26:44

Yesus kase tinggal pa dorang di situ lagi kong Dia ka sana berdoa yang ketiga kali. Dia pe doa sama deng yang Dia bilang tadi.

Matius 26:46

Badiri suda la torang pigi. Orang yang mo bahianat pa Kita so dekat.”

Markus 14:35

Abis itu, Yesus bajalang ka sana sadiki, turus Dia berlutut sampe Dia pe muka kanal tana, kong Dia berdoa. Dia minta kalu bole, Dia tara usa dapa penderitaan yang Tuhan Allah so tentukan untuk Dia.

Lukas 22:53

Padahal, tiap hari Kita ada pa ngoni pe tenga-tenga di Ruma Ibada Pusat, tapi ngoni tara tangka pa Kita di situ. Tapi biar suda. Skarang so dia pe waktu untuk ngoni mo tangka pa Kita, deng lagi so dia pe waktu untuk Iblis, setang-setang pe raja kase tunju dia pe kuasa galap.”

Yohanes 12:23

Kong Yesus bilang pa dorang, “So dia pe waktu Tuhan Allah mo biking Anak Manusia dapa puji deng hormat.

Yohanes 12:27

Yesus bicara lagi, “Kita pe hati sedi skali. Kita so tara tau mo bilang apa. Apa Kita mo bilang Bapa kase lapas penderitaan ini dari Kita? Tantu tara bagitu! Mala, untuk dapa penderitaan ini suda sampe Kita datang di dunia ini.”

Yohanes 13:1

Tinggal satu hari lagi orang agama Yahudi pe hari raya Paska so mo mulai. Hari raya itu dorang inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Kong Yesus tau, so tara lama lagi Dia mo kase tinggal dunia ini la mo pigi pa Dia pe Bapa di sorga. Dia sayang pa orang-orang di dunia yang so jadi Dia pe umat, kong skarang Dia mo kase tunju, Dia salalu sayang pa dorang sampe Dia pe ahir hidup.

Yohanes 17:1

Abis Yesus bilang samua itu pa Dia pe murit-murit, Dia mangada di langit kong berdoa, “Bapa, skarang so dia pe waktu yang Bapa so tentukan. Jadi Kita minta, Bapa biking suda pa Kita, Bapa pe Anak ini la Kita dapa puji deng hormat, deng bagitu Kita me bisa biking Bapa dapa puji deng hormat.