Matius 26:41 - Perjanjian Baru Bahasa Melayu Maluku Utara

⁴¹ Bajaga-jaga deng berdoa suda, supaya jang ngoni tagoda biking dosa, karna biar ngoni pe hati suka mo iko pa Kita, tapi ngoni pe badan tara mampo.”

Matius 26:41 ပူးပေါင်းရင်းမြစ်များ

Matius 24:42

Karna itu, bajaga-jaga suda, karna ngoni tara tau tempo apa ngoni pe Tuhan mo datang.

Matius 25:13

Pe abis carita umpama itu, Yesus bilang lagi, “Jadi, ngoni bajaga-jaga suda, barang ngoni tara tau, tempo apa Kita mo datang ulang.”

Matius 26:38

Kong Dia bilang pa dong tiga, “Kita pe hati susa skali, rasa-rasa sama deng mo mati. Ngoni di sini dulu e, bajaga-jaga deng Kita turus.”

Matius 6:13

Kong jang kase biar torang tagoda biking barang yang jahat, tapi kase lapas suda pa torang dari yang jahat. [Karna Bapa yang jadi Raja, Bapa yang punya kuasa, deng yang pantas dapa puji deng hormat sampe slama-lamanya. Amin.’]

Markus 14:38

Bajaga-jaga deng berdoa suda, supaya jang ngoni tagoda biking dosa, karna biar ngoni pe hati suka mo iko pa Kita, tapi ngoni pe badan tara mampo.”

Lukas 11:4

Deng kase ampun torang pe dosa, karna torang me kase ampun tiap orang yang sala pa torang, kong jang kase biar torang tagoda biking barang yang jahat.’ ”

Lukas 21:36

Tapi, ngoni musti turus-turus jaga diri bae-bae, deng berdoa supaya ngoni jadi kuat batahang untuk hadapi samua sengsara yang mo jadi itu sampe ngoni lolos dari itu. Deng bagitu, ngoni siap mo mangada pa Anak Manusia.”

Lukas 22:40

Waktu dorang sampe di tampa itu, Yesus bilang pa dorang, “Ngoni berdoa suda, supaya jang ngoni tagoda biking dosa.”

Lukas 22:46

Turus, Yesus bilang pa dorang, “Bikiapa kong ngoni tidor? Bangun kong berdoa suda, supaya jang ngoni tagoda biking dosa.”

Lukas 8:13

Bibit yang jatu di tana yang babatu-batu, itu sama deng orang-orang yang dengar firman kong tarima itu deng hati sanang. Tapi firman itu dorang tara simpang bae-bae di dong pe hati, jadi tara batahang lama. Kalu dorang dapa susa deng cobaan, dorang tara percaya lagi pa Tuhan.

Roma 8:3

Kalu torang iko aturan-aturan di lima kitab Musa, tara mungkin torang dapa slamat, karna torang ini manusia yang tara mampo biking samua aturan itu. Tapi torang bole dapa slamat karna Tuhan Allah. Tuhan Allah kase slamat pa torang deng cara Dia utus Dia pe Anak sandiri datang di dunia ini. Dia pe Anak pe badan itu, sama deng torang manusia berdosa pe badan. Kong Dia pe Anak itu mati supaya hapus torang pe dosa. Deng Dia kase Dia pe Anak mati bagitu, itu pe arti, Dia pe Anak so kase kala dosa pe kuasa.

1 Korintus 10:13

Tiap kali ngoni dapa coba untuk biking dosa, ngoni musti inga, samua manusia jaga dapa cobaan macam bagitu. Tapi Tuhan Allah salalu setia deng Dia pe janji pa ngoni, jadi Dia tara akan kase biar ngoni dapa cobaan yang lebe dari yang ngoni mampo tanggung. Waktu ngoni dapa cobaan, Dia akan kase jalang kaluar, supaya ngoni mampo tahang mangada cobaan itu.

1 Korintus 16:13

Ngoni musti jaga diri bae-bae! Ngoni pe percaya musti kuat pa Tuhan! Jang ngoni tako, tapi ngoni musti barani!

1 Korintus 9:27

Tapi kita lati kita pe diri sunggu-sunggu deng kita jaga kita pe diri bae-bae iko Tuhan Allah pe mau, supaya nanti kalu kita so abis kase tau Kabar Bae tentang Yesus Kristus pa orang-orang laeng, kita sandiri jang dapa tolak tapi kita dapa upah dari Tuhan Allah.

Galatia 5:24

Sapa saja yang so jadi Kristus Yesus pe umat, dia itu so tara iko manusia pe mau yang suka biking dosa deng napsu yang tara bae. Itu bole mo kase sama deng dia so kase mati sifat itu di atas kayu salib.

Efesus 6:18

Kong di sagala waktu, ngoni musti salalu berdoa deng minta pa Tuhan Allah, kase biar suda supaya Roh Kudus yang bantu waktu ngoni berdoa. Ngoni musti salalu siap berdoa deng jang berenti berdoa lagi untuk samua orang yang so jadi Tuhan Allah pe umat.

1 Petrus 4:7

Hari kiamat so dekat. Karna itu, ngoni musti kuasai ngoni pe diri, deng ngoni pe pikiran musti tenang supaya ngoni bisa berdoa.

1 Petrus 5:8

Ngoni musti kuasai ngoni pe diri deng bajaga-jaga! Barang Iblis, yang jadi ngoni pe musu itu, dia sama deng singa yang bajalang kasana-kamari bacari makanang la mo talang manta-manta.

2 Petrus 2:9

Jadi, conto-conto itu biking jelas, Tuhan Allah pasti kase slamat Dia pe umat dari dorang pe sengsara. Dia me akan tahang orang-orang yang tara biking Dia pe mau, kong nanti di hari kiamat, Dia mo hukum pa dorang itu.

Wahyu 16:15

Tuhan bilang, “Perhatikan bae-bae, tarada yang tau tempo apa Kita mo datang ulang dari sorga. Kita datang tara sangka-sangka, sama deng papancuri datang. Orang yang salalu bajaga-jaga dalam dia pe hidup, dia itu paling sanang. Dia itu sama deng orang yang jaga perhatikan dia pe baju, supaya tara bajalang batalanjang deng tara malu di muka umum.”

Wahyu 3:10

Ngoni tetap batahang percaya pa Kita biar ngoni dapa siksa, kong deng bagitu ngoni so biking Kita pe parenta. Karna itu, nanti Kita mo jaga pa ngoni supaya ngoni tara dapa siksa yang hebat yang nanti mo jadi untuk samua orang di dunia ini. Siksa itu untuk uji samua orang di dunia ini la dapa tau sapa orang-orang yang butul-butul percaya pa Tuhan Allah.