Matius 26:4 - Perjanjian Baru Bahasa Melayu Maluku Utara

⁴ Di situ dorang baku ator la mo tangka pa Yesus. Dorang mo tangka pa Dia deng cara sambunyi-sambunyi, kong mo bunu pa Dia.

Matius 26:4 ပူးပေါင်းရင်းမြစ်များ

Matius 12:14

Tapi orang-orang dari aliran Farisi itu kaluar dari ruma ibada itu kong baku ator la mo bunu pa Yesus.

Matius 23:33

Woe ngoni orang-orang jahat. Ngoni sama deng ular bisa. Ngoni itu turunan orang jahat, sama deng ular bisa pe turunan. Tuhan Allah akan kase maso pa ngoni di neraka, kong ngoni tara akan mo lolos.

Markus 14:1

Tinggal dua hari lagi orang agama Yahudi mo biking dong pe hari raya Paska. Hari raya itu, dorang inga waktu Tuhan Allah kase bebas pa dorang pe orang tua dulu-dulu dari bangsa Mesir yang jaja pa dorang, deng dorang lagi biking hari raya Roti Tara Pake Ragi. Turus waktu itu, orang Yahudi pe imam-imam kapala deng guru-guru agama yang ahli lima kitab Musa baku ator la mo tangka pa Yesus deng cara sambunyi-sambunyi kong bunu pa Dia.

Yohanes 11:53

Mulai hari itu suda, pemimpin-pemimpin agama Yahudi baku ator la mo bunu pa Yesus.

Kisah Para Rasul 13:10

kong bilang, “Woe Iblis pe ana! Ngana memang tukang foya deng jahat. Ngana tukang malawang samua yang butul. Tuhan Allah pe rencana mo kase slamat pa manusia, tapi ngana salalu berusaha kase putar rencana itu.

Kisah Para Rasul 7:19

Kong dia jaga kase foya pa torang pe orang tua dulu-dulu deng jaga siksa pa dorang. Dia me paksa pa dorang supaya buang dong pe ana kacil yang mera-mera la mati.

2 Korintus 11:3

Tapi kita tako jang sampe ada yang pengaru pa ngoni deng dong pe ajaran yang sala sampe ngoni so tara percaya lagi pa Yesus Kristus deng hati yang sunggu-sunggu. Itu sama deng Hawa dulu yang dapa tipu dari ular sampe malawang Tuhan Allah pe parenta karna ular pe putar bale itu.