Matius 26:32 - Perjanjian Baru Bahasa Melayu Maluku Utara

³² Itu pe maksut, Kita akan mati, tapi waktu Kita hidup ulang, Kita akan sampe kamuka dari ngoni di daera Galilea la tong baku dapa di sana.”

Matius 26:32 ပူးပေါင်းရင်းမြစ်များ

Matius 16:21

Mulai dari itu, Yesus bilang turus tarang pa Dia pe murit-murit, Dia musti pigi di kota Yerusalem, kong di sana Dia mo dapa banya siksa dari tua-tua Yahudi, imam-imam kapala deng guru-guru agama Yahudi yang ahli lima kitab Musa. Dorang itu mo bunu pa Dia, tapi di hari ketiga Tuhan Allah mo kase hidup ulang pa Dia.

Matius 20:19

Dorang mo serakan Dia pa orang-orang yang bukang Yahudi, kong orang-orang itu ejek-ejek, pukul pake tali yang ada barang tajam di dia pe ujung, deng dorang kase salib pa Dia. Tapi di hari yang ketiga, Dia akan hidup ulang.”

Matius 26:33

Kong Petrus bilang pa Yesus, “Biar dorang samua pe percaya tagoyang sampe lari kase tinggal pa Guru, tapi kita ini tara akan mungkin!”

Matius 28:10

Kong Yesus bilang pa dorang, “Jang tako. Ka sana kase tau pa Kita pe sudara-sudara yang percaya, bilang Kita so hidup ulang. Kong Kita mo kamuka ka sana di Galilea, di sana baru dong mo lia pa Kita.”

Matius 28:16

Yesus pe murit seblas orang itu pigi di daera Galilea, di gunung satu yang Yesus suru dong ka sana.

Markus 14:28

Itu pe maksut, Kita akan mati, tapi waktu Kita hidup ulang, Kita akan sampe kamuka dari ngoni di daera Galilea la tong baku dapa di sana.”

Markus 16:7

Jadi skarang, ngoni bale suda, kase tau pa Dia pe murit-murit termasuk Petrus, bilang, ‘Yesus so kamuka di daera Galilea. Di sana ngoni akan lia pa Dia, sama deng yang Dia so bilang pa ngoni.’ ”

1 Korintus 15:6

Abis itu lagi, ada lima ratus orang lebe yang percaya ada bakumpul, turus Dia kase tunju Dia pe diri pa dorang samua satu kali. Dari dorang samua itu, ada banya yang masi hidup sampe kita tulis surat ini, tapi ada lagi yang so mati.