Matius 26:26 - Perjanjian Baru Bahasa Melayu Maluku Utara

²⁶ Waktu Yesus deng Dia pe murit-murit sementara makang, Yesus ambe roti kong bilang tarimakasi pa Tuhan Allah. Abis itu, Dia pela-pela roti itu kong Dia kase pa dorang, Dia bilang, “Roti ini Kita pe badan, ambe kong makang suda.”

Matius 26:26 ပူးပေါင်းရင်းမြစ်များ

Matius 14:19

Turus, Dia suru orang banya itu dudu di atas rumpu. Kong Dia ambe roti lima deng ikang dua itu. Dia mangada di langit kong batarimakasi pa Tuhan Allah. Abis itu, Dia pela-pela roti itu kong kase pa Dia pe murit-murit. Turus, Dia pe murit-murit kase bage-bage pa orang banya.

Matius 26:27

Abis itu, Yesus ambe cawan kong bilang tarimakasi pa Tuhan Allah. Turus Dia kase pa dorang kong bilang, “Ngoni samua minum anggur dari cawan ini suda.

Markus 6:41

Abis itu, Yesus ambe roti lima deng ikang dua itu, kong Dia mangada ka atas di langit kong bilang tarimakasi pa Tuhan Allah. Turus, Dia pela-pela roti, kong Dia kase pa murit-murit, la dorang kase bage-bage pa samua orang yang ada di situ. Bagitu lagi deng ikang dua itu, Dia kase bage-bage pa dorang samua.

Lukas 22:17

Abis itu, Yesus ambe cawan satu kong bilang tarimakasi pa Tuhan Allah, turus Dia bilang pa Dia pe murit-murit, “Ambe ini, la ngoni satu-satu orang minum.

Lukas 24:30

Waktu Yesus dudu makang sama-sama deng dorang, Dia ambe roti kong bilang tarimakasi pa Tuhan Allah. Turus, Yesus pela-pela roti itu kong kase barbage pa dong dua.

Kisah Para Rasul 2:46

Tiap hari, dorang bakumpul deng satu hati di Ruma Ibada Pusat pe kompleks. Dorang me makang sama-sama dari ruma yang satu pigi di ruma yang laeng deng rasa sanang deng hati yang sunggu-sunggu.

Kisah Para Rasul 20:7

Hari pertama di minggu itu, torang deng orang-orang percaya yang laeng bakumpul biking perjamuan. Di situ, Paulus bicara lama pa orang-orang percaya itu sampe tenga malam, barang dia pe beso dia so mo barangkat.

1 Korintus 10:4

Dorang samua me minum aer yang sama yang Tuhan Allah kase, aer itu kaluar dari batu basar satu. Batu basar itu sama deng Yesus Kristus sandiri yang ada iko sama-sama turus deng dorang.