Matius 26:2 - Perjanjian Baru Bahasa Melayu Maluku Utara

² “Ngoni so tau to, tinggal dua hari lagi torang orang Yahudi mo biking hari raya Paska untuk inga waktu Tuhan Allah kase bebas pa torang pe orang tua dulu-dulu dari bangsa Mesir yang jaja pa dorang. Kong waktu hari raya itu, ada orang yang mo serakan pa Anak Manusia yang dari sorga untuk dapa salib.”

Matius 26:2 ပူးပေါင်းရင်းမြစ်များ

Matius 10:4

Ada lagi Simon (dari Gerakan Yahudi Merdeka), deng Yudas Iskariot (yang nanti mo bahianat pa Yesus).

Matius 17:22

Waktu Yesus deng Dia pe murit-murit sementara bakumpul di Galilea, Yesus bilang pa dorang, “Nanti Anak Manusia yang dari sorga mo dapa serakan pa orang-orang,

Matius 27:4

Yudas bilang pa dorang, “Kita so berdosa, barang kita so bahianat pa Orang yang tara ada sala.” Tapi dorang bilang pa dia, “Itu bukang torang pe urusan. Itu ngana pe urusan sandiri!”

Lukas 22:15

Yesus bilang pa dorang, “Di hari raya ini, Kita ingin skali makang makanang hari raya sama-sama deng ngoni, sebelum Kita sengsara.

Yohanes 11:55

Waktu itu, orang agama Yahudi pe hari raya Paska so dekat. Hari raya itu dong inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Jadi sebelum hari raya itu, banya orang agama Yahudi dari daera-daera yang laeng datang di Yerusalem untuk ‘biking bersi diri’ iko dorang pe aturan agama.

Yohanes 12:1

Tinggal anam hari lagi orang agama Yahudi mo biking dorang pe hari raya Paska, kong Yesus pigi di Betania, Lazarus pe kampong. Lazarus itu yang perna mati kong Yesus kase hidup ulang.

Yohanes 18:2

Yudas yang mo bahianat pa Yesus, dia lagi tau tampa itu, barang Yesus deng Dia pe murit-murit biasa bakumpul di situ.

Yohanes 18:32

Deng dorang bilang bagitu, apa yang Yesus perna bilang tentang bagimana cara Dia mo mati nanti, itu mo jadi.

Yohanes 2:13

Waktu itu, agama Yahudi pe hari raya Paska so dekat. Di hari raya itu, dorang inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Kong Yesus pigi di Yerusalem.