Matius 26:18 - Perjanjian Baru Bahasa Melayu Maluku Utara

¹⁸ Kong Yesus bilang pa dorang, “Ngoni ka sana di kota Yerusalem, di sana ngoni akan baku dapa deng satu orang. Bilang pa orang itu bagini, ‘Guru bilang, Dia pe waktu so tara lama lagi. Jadi di torang pe hari raya Paska ini, Dia mo makang sama-sama deng Dia pe murit-murit pa bapa pe ruma.’ ”

Matius 26:18 ပူးပေါင်းရင်းမြစ်များ

Matius 21:3

Kong kalu ada orang yang togor pa ngoni, ngoni bilang pa dia bagini, ‘Tuhan mo pake keledai ini kong. Kalu so abis pake, langsung Dia kase pulang.’ ”

Matius 23:10

Jang lagi ngoni kase biar orang pangge pa ngoni ‘pemimpin’, karna ngoni pe Pemimpin cuma satu, Dia itu Mesias, Raja yang Tuhan Allah janji mo kase slamat pa manusia.

Matius 23:8

Tapi ngoni, jang ngoni ingin orang hormati pa ngoni deng orang pangge pa ngoni ‘bapa guru’! Barang, ngoni pe Guru itu cuma satu, kong ngoni samua itu basudara.

Matius 26:19

Abis dengar Yesus bilang bagitu, Dia pe murit-murit biking sama deng yang Dia suru pa dorang itu. Turus dorang kase siap makanang hari raya Paska itu.

Matius 26:2

“Ngoni so tau to, tinggal dua hari lagi torang orang Yahudi mo biking hari raya Paska untuk inga waktu Tuhan Allah kase bebas pa torang pe orang tua dulu-dulu dari bangsa Mesir yang jaja pa dorang. Kong waktu hari raya itu, ada orang yang mo serakan pa Anak Manusia yang dari sorga untuk dapa salib.”

Matius 26:49

Jadi bagitu rombongan itu sampe di situ, Yudas langsung badekat pa Yesus kong bilang, “Slamat malam Guru,” turus dia ciom pa Yesus.

Markus 5:35

Waktu Yesus masi bicara, ada babarapa orang datang dari Yairus pe ruma. Dorang bilang pa Yairus bagini, “Bapa, bapa pe ana so mati, jadi tara usa biking pusing lagi pa Guru.”

Lukas 22:53

Padahal, tiap hari Kita ada pa ngoni pe tenga-tenga di Ruma Ibada Pusat, tapi ngoni tara tangka pa Kita di situ. Tapi biar suda. Skarang so dia pe waktu untuk ngoni mo tangka pa Kita, deng lagi so dia pe waktu untuk Iblis, setang-setang pe raja kase tunju dia pe kuasa galap.”

Yohanes 11:28

Abis Marta bilang bagitu pa Yesus, dia bale di dia pe ruma kong pangge pa dia pe sudara Maria, turus babisi pa Maria, “Guru so datang, kong Dia pangge pa ngana.”

Yohanes 12:23

Kong Yesus bilang pa dorang, “So dia pe waktu Tuhan Allah mo biking Anak Manusia dapa puji deng hormat.

Yohanes 13:1

Tinggal satu hari lagi orang agama Yahudi pe hari raya Paska so mo mulai. Hari raya itu dorang inga waktu Tuhan Allah kase bebas pa dorang pe orang tua dulu-dulu yang dapa jaja dari bangsa Mesir. Kong Yesus tau, so tara lama lagi Dia mo kase tinggal dunia ini la mo pigi pa Dia pe Bapa di sorga. Dia sayang pa orang-orang di dunia yang so jadi Dia pe umat, kong skarang Dia mo kase tunju, Dia salalu sayang pa dorang sampe Dia pe ahir hidup.

Yohanes 17:1

Abis Yesus bilang samua itu pa Dia pe murit-murit, Dia mangada di langit kong berdoa, “Bapa, skarang so dia pe waktu yang Bapa so tentukan. Jadi Kita minta, Bapa biking suda pa Kita, Bapa pe Anak ini la Kita dapa puji deng hormat, deng bagitu Kita me bisa biking Bapa dapa puji deng hormat.

Yohanes 20:16

Kong, Yesus pangge pa Maria, “Maria!” Maria balia pa Yesus, turus bilang, “Rabuni!”, yang pe arti dalam bahasa Ibrani, ‘Guru’.

Yohanes 7:30

Pe dengar itu, dorang berusaha tangka pa Yesus, tapi tara ada orang yang dapa tangka pa Dia, karna waktu itu bolong sampe dia pe waktu yang Tuhan Allah tentukan.

Yohanes 7:6

Kong Yesus bilang pa dorang, “Bolong dia pe waktu Kita mo ka sana, tapi untuk ngoni, salalu saja ada waktu untuk ngoni pigi ka sana.

Yohanes 7:8

Ngoni pigi suda ka sana bahari raya di kota Yerusalem. Kita bolong ka sana, karna bolong dia pe waktu untuk Kita ka sana.”