Matius 25:6 - Perjanjian Baru Bahasa Melayu Maluku Utara

⁶ Bagitu tenga malam, kage-kage dapa dengar orang bataria, ‘Ee, pengantin laki-laki so datang! Mari suda sambut pa dia!’

Matius 25:6 ပူးပေါင်းရင်းမြစ်များ

Matius 24:31

Turus, trompet akan babunyi kuat skali, kong Anak Manusia mo suru pa Dia pe malaekat-malaekat kaluar untuk kumpul pa samua Dia pe umat yang Dia so pili dari samua tampa di dunia ini, dari ujung ka ujung.”

Matius 24:44

Bagitu lagi deng ngoni, ngoni musti salalu siap, karna Anak Manusia yang dari sorga akan datang ulang di waktu yang ngoni tara sangka-sangka.”

Matius 25:1

Yesus bilang lagi, “Nanti kalu Anak Manusia yang dari sorga datang ulang kong Berkuasa sebagai Raja, itu pe keadaan bole kase sama deng umpama ini: ada nona-nona spulu orang yang bawa lentera untuk sambut pengantin laki-laki.

Matius 25:31

Yesus bilang lagi, “Anak Manusia yang dari sorga mo datang ulang deng Dia pe kuasa yang luar biasa deng samua malaekat sama-sama deng Dia, kong Dia mo dudu di kursi raja yang luar biasa.

Matius 25:5

Nona-nona spulu orang itu tunggu-tunggu pa pengantin laki-laki, tapi lama tara datang. Jadi dorang manganto kong so tatidor sono.

Matius 25:7

Pe dengar itu, nona-nona spulu orang itu bangun, kong dorang kase bae-bae dong pe lentera.

Lukas 12:20

Tapi Tuhan Allah bilang pa dia, ‘Woe, ngana ini bodo. Malam ini suda ngana akan mati. Kong harta yang ngana so simpang banya-banya itu mo jadi orang laeng punya.’

Lukas 12:46

Tapi nanti di hari yang dia tara sangka-sangka, deng di waktu yang dia tara tau, kage-kage dia pe tuang pulang. Turus dia pe tuang mo hukum pa dia deng hukuman yang barát. Dia dapa hukuman mati. Kong dia pe nasib sama deng orang-orang yang tara setia pa Tuhan Allah.

1 Tesalonika 4:16

Kalu Tuhan Yesus so mo datang dari sorga, nanti ada parenta satu dari sorga bilang deng suara yang kuat skali, malaekat pe pemimpin mo bicara kuat, kong Tuhan Allah pe trompet mo babunyi. Waktu itu, Yesus Kristus sandiri mo turung dari sorga kong orang-orang mati yang percaya pa Dia nanti mo kamuka hidup ulang.

2 Petrus 3:10

Tapi tempo apa Yesus Kristus mo datang ulang, tarada orang yang tau. Dia datang sama deng papancuri datang, yang kage-kage so ada, tarada yang tau. Hari itu, langit akan ancor deng babunyi kuat skali, kong matahari, bulan deng bintang akan tabakar sampe abis, turus bumi deng samua dia pe isi akan abis.

Wahyu 16:15

Tuhan bilang, “Perhatikan bae-bae, tarada yang tau tempo apa Kita mo datang ulang dari sorga. Kita datang tara sangka-sangka, sama deng papancuri datang. Orang yang salalu bajaga-jaga dalam dia pe hidup, dia itu paling sanang. Dia itu sama deng orang yang jaga perhatikan dia pe baju, supaya tara bajalang batalanjang deng tara malu di muka umum.”