Matius 25:30 - Perjanjian Baru Bahasa Melayu Maluku Utara

³⁰ Jadi, skarang tangka pa orang karja yang tarada guna ini kong buang pa dia di tampa yang paling galap. Di tampa itu, orang-orang mo dapa hukum kong manangis sampe dong pe gigi babunyi, barang dong sengsara skali.’ ”

Matius 25:30 ပူးပေါင်းရင်းမြစ်များ

Matius 13:42

Kong malaekat-malaekat mo buang orang-orang itu di api yang tara mati-mati. Di situ dorang akan manangis sampe dong pe gigi babunyi karna siksa skali.

Matius 13:50

Kong malaekat-malaekat mo buang orang jahat di api yang tara akan mo mati-mati. Di sana dorang manangis sampe dong pe gigi babunyi karna dong siksa skali.”

Matius 22:13

Turus, raja itu bilang pa dia pe orang-orang karja bagini, ‘Ngoni ika orang itu pe kaki deng tangan kong buang pa dia kaluar di tampa yang paling galap. Di tampa itu, orang-orang mo manangis sampe dong pe gigi mo babunyi karna sengsara.’ ”

Matius 24:51

Turus dia pe tuang mo hukum pa dia deng hukuman yang barát. Dia dapa hukuman mati. Kong dia pe nasib sama deng orang-orang munafik. Di situ, dorang mo manangis turus-turus sampe dong pe gigi bababunyi karna menderita skali.”

Matius 3:10

Tuhan Allah so siap mo hukum pa samua orang yang tara iko Dia pe mau. Itu sama deng satu orang yang so siap-siap deng tamako mo potong pohong yang tara babua bagus, turus buang pohong itu di api.

Matius 5:13

Yesus bilang lagi, “Ngoni itu sama deng garam di dunia yang kase sadap makanang. Bagitu lagi deng ngoni pe hidup di dunia ini, ngoni musti bawa pengaru yang bae pa orang-orang. Tapi kalu ngoni tara bawa pengaru yang bae, ngoni sama deng garam yang so jadi tawar yang tara mungkin mo barasa garam. Garam itu so tarada dia pe guna, lebe bae buang la orang injang-injang.

Matius 8:12

Tapi biar bangsa Yahudi yang kamuka dapa pili jadi Tuhan Allah pe umat, banya dari dorang yang tara ada di sana. Tuhan Allah akan buang pa dorang di tampa yang paling galap. Di situ, dorang akan manangis deng menderita skali.”

Lukas 13:28

Waktu itu, ngoni akan manangis deng menderita skali. Barang ngoni lia pa Abraham, Ishak deng Yakub ada sama-sama deng samua nabi di Tuhan Allah pe tampa Berkuasa sebagai Raja, baru ngoni yang tara dapa maso di situ, dapa user kaluar.

Yohanes 15:6

Sapa saja yang hidup tara satu hati deng Kita, Tuhan Allah mo buang pa dia sama deng cabang yang tara babua yang so kiring, kong dong kumpul cabang itu, turus dong bakar.

Titus 3:14

Torang pe orang-orang yang percaya musti rajin biking yang bae supaya bole tolong orang laeng pe keperluan hari-hari. Deng bagitu, dong pe hidup ada dia pe guna.

2 Petrus 2:17

Guru-guru palsu pe ajaran itu tara ada guna. Dorang sama deng mata aer yang so kiring, sama lagi deng awan galap yang tara jadi ujang karna angin so tiop. Tuhan Allah so kase sadia tampa yang paling galap untuk hukum pa dorang.

Yudas 1:13

Dorang tara tau malu kase lia dong pe kalakuang yang tara bae, sama deng omba basar yang kase tinggal kotor-kotor di pante. Dorang me sama deng bintang-bintang yang bapinda kasana-kamari. Jadi untuk dorang itu, so tasadia tampa yang paling galap untuk slama-lamanya.

Wahyu 21:8

Tapi ada orang-orang yang dapa hukum, dorang itu: orang yang stenga-stenga hati iko pa Tuhan, yang tara percaya, yang jaga biking hal-hal tara bae, yang jaga bunu orang, yang baseks sabarang, yang pake tiop-tiop, yang jaga semba pa dong pe puji-puji, deng samua orang yang pangbafoya. Dorang samua akan dapa hukum, dapa buang di api belerang yang luas deng mamanyala. Itu dia pe nama kematian yang kedua.”