Matius 25:26 - Perjanjian Baru Bahasa Melayu Maluku Utara

²⁶ Turus, dia pe tuang bilang pa dia, ‘He, ngana ini memang orang karja yang jahat deng pamalas. Ngana tau, kita jaga bapanen di tampa yang kita tara perna baambur bibit, deng kita jaga baambe hasil di tampa yang kita tara perna batanam.

Matius 25:26 ပူးပေါင်းရင်းမြစ်များ

Matius 18:32

Pe dengar itu, raja suru pangge pa orang karja itu kong bilang, ‘Woe orang karja yang jahat! Samua ngana pe utang pa kita, kita so hapus karna ngana bamohon pa kita.

Matius 21:8

Waktu Yesus iko di jalang, banya skali orang kase alas dorang pe juba di jalang. Ada lagi yang potong cabang-cabang kacil yang dia pe daong muda kong taru di jalang untuk sambut pa Yesus.

Matius 25:24

Abis itu, orang karja yang tarima doi mas satu tas me ka sana pa dia pe tuang. Kong dia bilang pa dia pe tuang bagini, ‘Kita tau, bapa pe orang karas. Bapa jaga bapanen di tampa yang bapa tara perna baambur bibit, deng bapa jaga baambe hasil di tampa yang bapa tara perna batanam.

Matius 25:25

Karna itu, waktu bapa kase doi ini, kita tako, jang sampe doi ini ilang. Jadi lebe bae kita gale lobang di tana, kong simpang bapa pe doi di situ la aman. Ambe suda bapa pe doi ini.’

Matius 25:27

Jadi paling tarada, kita pe doi itu ngana musti simpang di bank supaya waktu kita pulang, kita bole tarima kita pe doi mas itu sama-sama deng dia pe bunga.’