Matius 25:20 - Perjanjian Baru Bahasa Melayu Maluku Utara

²⁰ Orang karja yang tarima doi mas lima tas itu ka sana pa dia pe tuang kong dia kase doi mas spulu tas pa dia pe tuang itu. Kong orang karja itu bilang pa dia pe tuang, ‘Bapa, bapa kase percaya pa kita doi mas lima tas, kong skarang lia, kita so dapa untung doi mas lima tas lagi.’

Matius 25:20 ပူးပေါင်းရင်းမြစ်များ

Matius 18:24

Waktu raja itu mulai urus dong pe utang itu, ada orang karja satu yang dapa kase mangada pa raja. Orang karja itu pe utang doi mas spulu ribu tas.

Lukas 19:13

Waktu dia mo pigi, dia pangge dia pe orang karja spulu orang kong kase doi mas pa dorang satu-satu, kong dia bilang bagini, ‘Ngoni pake ini untuk badagang sampe kita bale kamari.’

Kisah Para Rasul 20:24

Biar bagitu, kita tara peduli deng kita pe hidup, tapi yang penting kita bisa kase selesai tugas yang Tuhan Yesus suru kita biking. Kita pe tugas itu, kita musti kase tau Kabar Bae tentang Tuhan Allah pe bae pa torang manusia.

1 Korintus 15:10

Tapi kita jadi rasul skarang, cuma karna Tuhan Allah pe bae pa kita. Deng Dia pe bae itu tara parcuma. Mala dari samua rasul, yang karja karas itu kita. Tapi samua karja itu kita mampo biking bukang karna kita pe kemampuan sandiri, tapi karna Tuhan Allah pe bae pa kita.

Kolose 1:29

Karna itu, kita berusaha sunggu-sunggu biking kita pe karja ini pake kekuatan yang luar biasa, yang Yesus Kristus kase pa kita.

Yakobus 2:18

Mangkali ada yang tara setuju kong mo bilang bagini, “Ada orang yang cuma percaya saja pa Tuhan, deng ada orang yang cuma biking saja barang yang bae.” Kita mo bilang pa orang yang bilang bagitu, “Ngana tara bisa kase bukti ngana percaya pa Tuhan, karna ngana cuma biking hal yang bae. Tapi kita, kita mo kase tunju kita pe percaya pa Tuhan deng cara biking hal yang bae.”