Matius 25:13 - Perjanjian Baru Bahasa Melayu Maluku Utara

¹³ Pe abis carita umpama itu, Yesus bilang lagi, “Jadi, ngoni bajaga-jaga suda, barang ngoni tara tau, tempo apa Kita mo datang ulang.”

Matius 25:13 ပူးပေါင်းရင်းမြစ်များ

Matius 24:50

Tapi nanti di hari yang dia tara sangka-sangka, deng di waktu yang dia tara tau, kage-kage dia pe tuang pulang.

Matius 25:12

Tapi pengantin laki-laki bilang dari dalam, ‘Dengar e, kita tara kanal pa ngoni.’ ”

Lukas 21:36

Tapi, ngoni musti turus-turus jaga diri bae-bae, deng berdoa supaya ngoni jadi kuat batahang untuk hadapi samua sengsara yang mo jadi itu sampe ngoni lolos dari itu. Deng bagitu, ngoni siap mo mangada pa Anak Manusia.”

Kisah Para Rasul 20:31

Jadi, ngoni musti jaga bae-bae, deng jang lupa, selama tiga taong, siang deng malam kita tara berenti-berenti kase nasehat pa ngoni, sampe kita pe aer mata me malele.

1 Korintus 16:13

Ngoni musti jaga diri bae-bae! Ngoni pe percaya musti kuat pa Tuhan! Jang ngoni tako, tapi ngoni musti barani!

1 Tesalonika 5:6

Jadi torang musti bajaga-jaga deng kuasai torang pe diri. Jang sama deng orang laeng yang cuma tidor turus.

2 Timotius 4:5

Tapi biar bagitu me, Timotius, ngana musti tetap tenang dalam samua hal. Kalu ngana biking ngana pe tugas kong dapa siksa, ngana musti sabar. Ngana kase tau pa orang-orang Kabar Bae itu supaya dorang jadi percaya pa Yesus. Deng samua tugas yang Tuhan so kase pa ngana, biking bae-bae sampe selesai.

1 Petrus 4:7

Hari kiamat so dekat. Karna itu, ngoni musti kuasai ngoni pe diri, deng ngoni pe pikiran musti tenang supaya ngoni bisa berdoa.

1 Petrus 5:8

Ngoni musti kuasai ngoni pe diri deng bajaga-jaga! Barang Iblis, yang jadi ngoni pe musu itu, dia sama deng singa yang bajalang kasana-kamari bacari makanang la mo talang manta-manta.

Wahyu 16:15

Tuhan bilang, “Perhatikan bae-bae, tarada yang tau tempo apa Kita mo datang ulang dari sorga. Kita datang tara sangka-sangka, sama deng papancuri datang. Orang yang salalu bajaga-jaga dalam dia pe hidup, dia itu paling sanang. Dia itu sama deng orang yang jaga perhatikan dia pe baju, supaya tara bajalang batalanjang deng tara malu di muka umum.”