Matius 25:10 - Perjanjian Baru Bahasa Melayu Maluku Utara

¹⁰ Turus, nona-nona yang bodo itu pigi bili minya. Tapi sementara dorang pigi bili minya, pengantin laki-laki sampe. Kong nona-nona yang pande yang so siap-siap itu, maso sama-sama deng pengantin itu di ruang pesta, kong pintu dapa tutu.

Matius 25:10 ပူးပေါင်းရင်းမြစ်များ

Matius 24:42

Karna itu, bajaga-jaga suda, karna ngoni tara tau tempo apa ngoni pe Tuhan mo datang.

Matius 24:43

Tapi ngoni me musti inga bae-bae umpama satu ini: kalu tuang ruma so tau tempo apa papancuri mo bapancuri pa dia pe ruma, tantu dia tara mo tidor kong mo bajaga-jaga la papancuri itu tara mo maso di dia pe ruma.

Matius 24:44

Bagitu lagi deng ngoni, ngoni musti salalu siap, karna Anak Manusia yang dari sorga akan datang ulang di waktu yang ngoni tara sangka-sangka.”

Matius 25:6

Bagitu tenga malam, kage-kage dapa dengar orang bataria, ‘Ee, pengantin laki-laki so datang! Mari suda sambut pa dia!’

Matius 7:21

Yesus bilang lagi, “Tara samua orang yang pangge pa Kita, ‘Tuhan, Tuhan’ akan jadi Kita pe umat kong Tuhan Allah Berkuasa sebagai Raja pa dorang pe hidup, tapi cuma orang yang jaga biking Kita pe Bapa di sorga pe mau saja.

Lukas 12:35

Kong Yesus bilang lagi, “Ngoni musti salalu siap untuk biking Tuhan Allah pe mau, sama deng orang di siang hari so siap pake baju karja waktu mo pigi karja, deng sama deng orang di malam hari ada pasang lampu la siap mo bakarja malam.

Lukas 13:25

Karna waktu dorang datang, tuang ruma so kunci pintu. Jadi waktu itu ngoni akan babadiri di luar kong toki-toki pintu. Ngoni akan bilang, ‘Bapa, buka pintu ka!’ Dia akan jawab pa ngoni, ‘Kita tara kanal pa ngoni deng Kita tara tau ngoni dari mana.’

Kolose 1:12

Deng kita minta lagi supaya ngoni salalu bilang tarimakasi banya pa Dia, torang pe Bapa. Bapa itu suda yang biking ngoni jadi pantas mo dapa apa yang Dia so janji pa orang-orang yang so jadi Dia pe umat. Kong janji itu, Dia so sadia untuk Dia pe umat di tampa yang tarang, tampa yang Dia Berkuasa sebagai Raja.

2 Timotius 4:8

Satu conto lagi, kalu orang iko lomba kong juara, dia dapa hadia. Bagitu lagi deng kita, Tuhan so kase sadia kita pe hadia karna Dia lia kita hidup butul pa Dia pe muka. Hadia itu Dia simpang kong nanti Dia mo kase pa kita di hari yang Dia mo adili pa samua orang deng adil. Hadia itu bukang cuma kita yang mo dapa, tapi samua orang yang percaya yang tunggu-tunggu Dia datang lagi, dorang me mo dapa.

1 Petrus 1:13

Jadi karna ngoni so tau Kabar Bae itu, ngoni musti siap biking hal-hal yang bae, ngoni musti kuasai ngoni pe diri, deng ngoni musti baharap deng yakin Tuhan akan kase Dia pe bae pa ngoni waktu Yesus Kristus datang ulang.

Wahyu 1:7

Jadi, ngoni dengar ini bae-bae! So tara lama Yesus mo datang di tenga-tenga awan. Kong samua orang akan lia pa Dia. Bagitu lagi deng orang-orang yang dulu tikam pa Dia pake tombak me akan lia pa Dia. Samua suku di dunia akan manyasal kong manangis waktu lia pa Dia. Samua itu memang pasti mo jadi. Amin.

Wahyu 19:7

“Mari suda torang puji pa Tuhan deng hati sanang, deng torang puji deng hormat pa Dia! Barang, Anak Domba pe hari kawing so sampe, deng Anak Domba pe pengantin parampuang so siap.

Wahyu 22:20

Yesus yang so kase tau pa kita tentang samua pasáng itu, Dia bilang bagini, “Butul, so tara lama lagi Kita akan datang!” Karna itu kita bilang, “Amin. Datang suda Tuhan Yesus!”