Matius 24:6 - Perjanjian Baru Bahasa Melayu Maluku Utara

⁶ Ngoni akan dengar ada prang di satu daera atau di tampa laeng. Tapi biar bagitu, jang ngoni tako. Samua itu musti jadi, tapi itu bolong dia pe waktu dunia mo kiamat.

Matius 24:6 ပူးပေါင်းရင်းမြစ်များ

Matius 2:3

Pe dengar dorang bilang ada raja yang baru, raja Herodes hawater, bagitu lagi deng samua orang yang ada di kota Yerusalem.

Matius 24:14

Kong nanti Kabar Bae tentang Tuhan Allah Berkuasa sebagai Raja akan tasiar di seluru dunia la samua suku dapa kesempatan untuk tarima Kabar Bae itu. Abis itu, baru dunia mo kiamat.”

Matius 26:54

Tapi kalu Kita biking bagitu, itu pe arti, samua yang tatulis di Kitab Suci tentang Kita skarang ini, tara akan jadi.”

Lukas 21:19

Kalu ngoni tetap batahang percaya pa Kita, ngoni dapa hidup deng Tuhan Allah slama-lamanya.”

Lukas 21:9

Kong kalu ngoni dengar kabar ada orang baku prang, deng orang marontak pa pemerinta, jang ngoni tako. Samua itu memang musti mo jadi kamuka, tapi itu bukang berarti dunia so mo langsung kiamat.”

Lukas 22:37

Kita bilang pa ngoni, apa yang Tuhan Allah janji di Kitab Suci tentang Kita, memang mo jadi. Ini yang tatulis di Kitab Suci, ‘Orang anggap, Dia itu orang jahat.’ Karna apa yang ada tatulis tentang Kita, skarang samua itu mo jadi.”

Yohanes 14:1

Turus, Yesus bicara pa Dia pe murit-murit, Dia bilang bagini, “Ngoni tara usa hawater. Percaya suda pa Tuhan Allah deng percaya lagi pa Kita.

Yohanes 14:27

Skarang Kita mo pigi, tapi hati tenang yang ada pa Kita, Kita mo kase itu pa ngoni. Hati tenang yang Kita kase itu, dunia tara bisa mo kase pa ngoni. Jang ngoni hawater deng tako.

2 Tesalonika 2:2

supaya jang ngoni capat bingung atau hawater kalu kage-kage ngoni dengar kata, Tuhan Yesus so datang ulang. Biar ada yang bilang kata, Roh Kudus yang kase tau, atau ada kabar bilang bagitu, atau dorang bilang kata, torang yang bilang lewat surat, jang dulu percaya, karna kabar itu tara butul.

Wahyu 6:4

Kong kuda satu ekor yang laeng lagi datang. Kuda itu pe warna mera sama deng api. Turus orang yang nae di atas kuda itu tarima parang basar satu. Tuhan Allah kase pa dia kuasa untuk ambe dame yang di dunia, supaya di dunia so tarada dame kong orang-orang baku bunu turus.