Matius 24:45 - Perjanjian Baru Bahasa Melayu Maluku Utara

⁴⁵ Yesus bilang lagi, “Kalu ada orang karja yang pande deng setia, dia pe tuang angka pa dia jadi kapala untuk kase makang pa dia pe orang-orang karja yang laeng pas di dia pe waktu.

Matius 24:45 ပူးပေါင်းရင်းမြစ်များ

Matius 10:16

Yesus bilang lagi pa Dia pe murit-murit, “Dengar e! Kita utus pa ngoni pigi di tenga-tenga orang jahat, itu sama deng domba pe ana satu ekor pigi di tenga-tenga anjing utang. Jadi ngoni musti banya akal sama deng ular, deng ngoni pe hati musti tulus sama deng burung pombo.

Matius 13:52

Kong Yesus bilang pa dorang, “Jadi tiap guru agama yang ahli lima kitab Musa, kong dia lagi tau ajaran tentang Tuhan Allah Berkuasa sebagai Raja, dia itu sama deng tuang ruma yang kase kaluar harta yang baru deng harta yang lama dari dia pe tampa simpang harta.”

Matius 24:46

Orang karja itu akan paling sanang skali kalu dia pe tuang datang, kong dapa riki dia sementara biking dia pe tugas itu bae-bae.

Matius 25:2

Dari spulu itu, lima bodo, deng lima pande.

Matius 25:21

Kong dia pe tuang bilang pa dia, ‘Bagus skali yang ngana biking itu. Ngana memang kita pe orang karja yang bae deng setia. Ngana so setia deng hal-hal yang kacil, jadi kita akan kase percaya pa ngana hal-hal yang basar. Jadi mari suda sama-sama deng kita, kong tong basanang rame-rame!’

Matius 25:23

Kong dia pe tuang itu bilang pa dia, ‘Bagus skali yang ngana biking itu. Ngana memang kita pe orang karja yang bae deng setia. Barang, ngana setia di hal-hal yang kacil, jadi kita akan kase percaya pa ngana hal-hal yang basar. Jadi mari suda sama-sama deng kita, kong tong basanang rame-rame!’

Matius 7:24

Yesus bilang lagi, “Tiap orang yang dengar apa yang Kita bilang ini kong biking, dia itu sama deng orang pande yang kase badiri ruma di atas batu fandasi yang kuat.

Lukas 19:17

Kong raja bilang pa dia pe orang karja itu bagini, ‘Ngana pe karja bagus skali, ngana orang karja yang bae. Ngana so setia deng hal yang kacil skali. Karna itu, skarang kita angka pa ngana kase ngana kuasa untuk bapimpin spulu kota.’

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

1 Timotius 1:12

Kita bersukur pa Kristus Yesus, torang pe Tuhan yang kase kuat pa kita. Kita bersukur pa Dia karna Dia anggap kita ini Dia pe orang yang setia sampe Dia kase percaya pa kita biking Dia pe tugas yang Dia suru.

2 Timotius 2:2

Ngana so dengar samua ajaran yang kita ajar pa orang banya. Ngana musti kase ajar ajaran itu pa orang laeng yang ngana bisa percaya deng yang pande mangajar. Deng bagitu dorang jadi tau kong ajar lagi ajaran itu pa orang laeng.

Ibrani 3:5

Nabi Musa memang setia pa Tuhan Allah pe umat sama deng orang karja yang setia pa dia pe tuang. Nabi Musa setia kase tau pa Tuhan Allah pe umat tentang apa yang Tuhan Allah mo biking yang mo jadi nanti.

Wahyu 2:13

Kita tau ngoni pe tampa tinggal. Ngoni tinggal di kota Pergamus, memang kota yang Iblis, setang-setang pe raja pe tampa berkuasa. Tapi biar bagitu, ngoni percaya turus pa Kita. Tempo hari, ada orang yang dia pe nama Antipas, Kita pe saksi yang setia, dia kase tau Tuhan Allah pe pasáng, kong dong bunu pa dia. Tapi biar dorang bunu pa dia di ngoni pe tenga-tenga, ngoni percaya turus pa Kita, ngoni tara manyangkal pa Kita.