Matius 24:39 - Perjanjian Baru Bahasa Melayu Maluku Utara

³⁹ Kong orang-orang itu tara tau banjir basar mo datang. Nanti dorang so tenggelam, baru dorang sadar. Sama deng bagitu lagi, nanti orang-orang tara siap waktu Anak Manusia yang dari sorga so datang ulang.

Matius 24:39 ပူးပေါင်းရင်းမြစ်များ

Matius 16:27

Barang, Anak Manusia yang dari sorga mo datang ulang di dunia ini, sama-sama deng Bapa pe malaekat-malaekat deng Dia pe kuasa yang luar biasa. Kong waktu itu, Anak Manusia mo balas pa tiap orang iko deng apa yang dorang so biking.

Matius 24:3

Abis itu, Yesus pigi di Bukit Zaitun, kong dudu di situ. Dia pe murit-murit badekat pa Dia la cuma dorang deng Dia saja yang bacarita. Dorang bilang, “Guru, kase tau pa torang ka, tempo apa yang Guru bilang tadi itu mo jadi? Turus, dia pe tanda-tanda apa kalu Guru mo datang ulang, deng tanda-tanda hari kiamat itu bagimana e?”

Matius 24:30

Kong waktu itu suda, akan ada tanda di langit supaya tau Anak Manusia yang dari sorga mo datang ulang. Pe lia bagitu, samua suku bangsa di bumi jadi tako deng manangis. Dorang samua akan lia pa Anak Manusia datang di atas awan-awan di langit deng samua kuasa deng cahaya yang luar biasa.

Matius 24:37

Barang, kalu Anak Manusia yang dari sorga datang ulang, itu sama deng waktu jaman nabi Nuh dulu.

Matius 24:40

Nanti di waktu itu, kalu ada laki-laki dua orang yang bakarja di kobong, yang satu Tuhan Allah mo angka, kong yang satu mo dapa kase tinggal.

Lukas 19:44

Dorang mo kase ancor ngoni pe kota Yerusalem kong dorang mo bunu pa ngoni orang-orang yang ada tinggal di situ. Deng tara ada satu batu yang dong akan kase biar tasusun pa dia pe tampa. Ngoni pe kota akan ancor bagitu, karna ngoni tara tarima waktu Tuhan Allah datang pa ngoni untuk kase slamat pa ngoni.”

Yohanes 3:20

Barang, sapa saja yang suka biking barang yang jahat, dia binci tarang kong tara mau datang di tarang itu, supaya dia pe kalakuang-kalakuang yang jahat itu tara dapa lia.

Kisah Para Rasul 13:41

‘Woe ngoni orang-orang yang jaga pandang enteng, perhatikan bae-bae. Kita mo biking hal-hal yang luar biasa, yang biking ngoni jadi herang skali. Tapi biar bagitu, ngoni akan mati, karna ngoni tara mau percaya, biar orang kase carita pa ngoni lagi. Ngoni cuma mo inga-inga soal itu kong mati.’ ”

Roma 1:28

Deng karna dorang rasa dong tara perlu tau tentang Tuhan Allah, jadi Tuhan Allah kase biar dorang pe pikiran yang tara guna itu kuasai pa dorang. Dia pe ahir kabawa, dorang biking barang yang tara pantas dong biking.

2 Petrus 3:5

Dorang bilang bagitu karna dorang sangaja tara mau akui, Tuhan Allah biking langit cuma deng Dia pe bicara saja. Kong cuma deng bicara lagi, Dia biking bumi dari aer, deng kase pisa bumi itu dari aer.