Matius 24:3 - Perjanjian Baru Bahasa Melayu Maluku Utara

³ Abis itu, Yesus pigi di Bukit Zaitun, kong dudu di situ. Dia pe murit-murit badekat pa Dia la cuma dorang deng Dia saja yang bacarita. Dorang bilang, “Guru, kase tau pa torang ka, tempo apa yang Guru bilang tadi itu mo jadi? Turus, dia pe tanda-tanda apa kalu Guru mo datang ulang, deng tanda-tanda hari kiamat itu bagimana e?”

Matius 24:3 ပူးပေါင်းရင်းမြစ်များ

Matius 13:36

Abis itu, Yesus kase tinggal orang banya itu kong bale di ruma. Di situ Dia pe murit-murit datang kong bilang, “Guru, coba kase tau pa torang umpama tentang kusu-kusu yang batumbu di gandum pe tenga-tenga itu pe arti.”

Matius 13:49

Bagitu lagi yang mo jadi nanti di hari kiamat. Waktu itu, malaekat-malaekat mo datang kong kase pisa orang-orang jahat dari orang-orang yang jaga biking yang butul pa Tuhan Allah pe muka.

Matius 15:12

Abis itu, Yesus pe murit-murit datang pa Dia, kong dorang batanya bagini, “Guru, Guru sadar ka tarada, yang Guru bilang tadi itu so biking orang-orang dari aliran Farisi itu tersinggung?”

Matius 16:27

Barang, Anak Manusia yang dari sorga mo datang ulang di dunia ini, sama-sama deng Bapa pe malaekat-malaekat deng Dia pe kuasa yang luar biasa. Kong waktu itu, Anak Manusia mo balas pa tiap orang iko deng apa yang dorang so biking.

Matius 16:28

Dengar bae-bae yang Kita bilang pa ngoni. Dari antara ngoni yang ada di sini, ada yang tara akan mati sebelum dorang lia Anak Manusia datang Berkuasa sebagai Raja.”

Matius 17:19

Abis itu, Yesus pe murit-murit pigi pa Dia waktu Dia sandiri, baru dong badekat pa Dia, turus tanya, “Guru, bikiapa kong torang tara bisa user setang itu?”

Matius 21:1

Waktu Yesus deng Dia pe murit-murit so dekat kota Yerusalem, kong so sampe di kampong Betfage yang di Bukit Zaitun, Yesus suru Dia pe murit dua orang,

Matius 24:27

Karna waktu Anak Manusia yang dari sorga mo datang ulang, samua orang di dunia bisa lia. Itu sama deng kilat pe cahaya yang timbul di timur dapa lia sampe di barat.

Matius 24:30

Kong waktu itu suda, akan ada tanda di langit supaya tau Anak Manusia yang dari sorga mo datang ulang. Pe lia bagitu, samua suku bangsa di bumi jadi tako deng manangis. Dorang samua akan lia pa Anak Manusia datang di atas awan-awan di langit deng samua kuasa deng cahaya yang luar biasa.

Matius 24:37

Barang, kalu Anak Manusia yang dari sorga datang ulang, itu sama deng waktu jaman nabi Nuh dulu.

Matius 24:39

Kong orang-orang itu tara tau banjir basar mo datang. Nanti dorang so tenggelam, baru dorang sadar. Sama deng bagitu lagi, nanti orang-orang tara siap waktu Anak Manusia yang dari sorga so datang ulang.

Matius 24:43

Tapi ngoni me musti inga bae-bae umpama satu ini: kalu tuang ruma so tau tempo apa papancuri mo bapancuri pa dia pe ruma, tantu dia tara mo tidor kong mo bajaga-jaga la papancuri itu tara mo maso di dia pe ruma.

Matius 28:20

Kong ngoni ajar pa dorang supaya dorang biking samua parenta yang Kita so perna ajar pa ngoni. Ngoni inga bae-bae e, Kita salalu sama-sama deng ngoni turus sampe ahir jaman.”

Lukas 21:7

Kong Yesus pe murit-murit tanya pa Dia, “Guru, yang Guru bilang tadi itu, tempo apa mo jadi? Deng dia pe tanda apa kalu samua itu so mo jadi?”

Kisah Para Rasul 1:7

Yesus jawab, “Ngoni tara perlu tau tempo apa samua mo jadi. Cuma Kita pe Bapa yang tau, karna Dia yang pe hak untuk ator samua waktu.

Ibrani 9:26

Barang, kalu ulang-ulang kali Dia kase korban Dia pe diri, itu berarti, mulai dari dunia ini jadi, Dia musti ulang-ulang menderita turus. Tapi skarang ini, yang orang bilang dunia so mo kiamat, Dia datang di dunia cuma satu kali saja untuk hapus manusia pe dosa-dosa deng cara Dia kase Dia pe diri sandiri mati untuk jadi korban persembahan.