Matius 24:24 - Perjanjian Baru Bahasa Melayu Maluku Utara

²⁴ Karna nanti ada banya orang datang bilang kata, dorang Mesias, atau bilang kata, dorang nabi yang kase turus Tuhan Allah pe pasáng. Deng dorang me biking mujizat-mujizat deng tanda-tanda yang kase tunju dong pe kuasa yang hebat, supaya orang percaya pa dorang kong jang percaya pa Tuhan yang butul lagi. Deng kalu bisa, dorang me mo biking sesat pa orang-orang yang Tuhan Allah so pili.

Matius 24:24 ပူးပေါင်းရင်းမြစ်များ

Matius 22:14

Kong Yesus kase selesai Dia pe carita deng bilang bagini, “Banya orang yang Tuhan Allah pangge untuk jadi Dia pe umat, tapi cuma sadiki yang dapa pili.”

Matius 24:11

Nanti ada banya orang yang datang, bilang kata, dorang itu nabi yang kase turus Tuhan Allah pe pasáng. Padahal dorang cuma tipu la banya orang so tara percaya lagi.

Matius 24:22

Kong, kalu Tuhan Allah tara kase pende hari-hari sengsara itu, samua orang pasti akan mati. Tapi karna Dia sayang pa orang-orang yang Dia so pili, Dia kase pende hari-hari sengsara itu.

Matius 24:25

Jadi inga bae-bae e, samua ini Kita so bilang kamuka pa ngoni sebelum itu jadi.

Matius 24:31

Turus, trompet akan babunyi kuat skali, kong Anak Manusia mo suru pa Dia pe malaekat-malaekat kaluar untuk kumpul pa samua Dia pe umat yang Dia so pili dari samua tampa di dunia ini, dari ujung ka ujung.”

Matius 24:5

Barang, banya orang akan datang pake Kita pe nama, deng dorang bilang bagini, ‘Kita ini suda Mesias, Raja yang Tuhan Allah janji mo kase slamat pa manusia!’ Tapi dorang itu cuma biking tipu banya orang la iko pa dorang.

Matius 7:15

Yesus bilang lagi, “Ngoni musti ati-ati deng nabi-nabi palsu yang datang pa ngoni! Barang, dorang bilang kata, dorang itu orang yang jaga kase turus Tuhan Allah pe pasáng, padahal bukang. Dorang pura-pura bae sama deng domba, padahal dorang jahat sama deng anjing utang.

Markus 13:22

Karna nanti ada banya orang datang bilang kata, dorang Mesias, atau bilang kata, dorang nabi yang kase turus Tuhan Allah pe pasáng. Deng dorang me biking mujizat-mujizat deng tanda-tanda yang kase tunju dong pe kuasa supaya orang percaya pa dorang kong jang percaya pa Tuhan yang butul lagi. Deng kalu bisa, dorang me mo biking sesat pa orang-orang yang Tuhan Allah so pili.

Lukas 18:7

Kalu orang tara adil macam itu mo tolong janda itu, lebe-lebe lagi Tuhan Allah pasti mo tolong pa Dia pe umat yang Dia pili, yang siang malam minta tolong turus-turus pa Dia. Tara mungkin Dia mo tunda-tunda turus untuk tolong pa dorang.

Yohanes 4:48

Yesus bilang pa dia, “Kalu ngoni tara lia mujizat-mujizat deng tanda-tanda yang kase tunju Kita pe kuasa, ngoni tara mo percaya.”

Yohanes 6:37

Samua orang yang Kita pe Bapa kase percaya pa Kita, dorang itu mo datang pa Kita. Kong sapa saja yang datang pa Kita, Kita tara akan tolak pa dia.

Yohanes 6:39

Dia pe mau itu supaya samua orang yang Dia so kase pa Kita, tara akan mati slama-lamanya, tapi di hari kiamat, Kita mo kase hidup ulang pa dorang.

Kisah Para Rasul 20:16

Paulus suka mo capat-capat sampe di kota Yerusalem, barang dia rencana baku riki deng orang Yahudi pe hari raya Pentakosta di Yerusalem. Karna itu, dia tara basingga di kota Efesus, supaya dia pe waktu tara tabuang di daera Asia Kecil.

Roma 12:18

Kong ngoni berusaha hidup dame turus deng samua orang, apalagi hidup dame itu musti ngoni yang kamuka biking!

Galatia 4:15

Waktu itu, ngoni dapa lia sanang skali. Tapi skarang, bikiapa kong ngoni so tara sanang macam bagitu lagi? Kita sandiri bole mo jadi saksi tentang ngoni dulu. Waktu itu ngoni suka skali bantu pa kita, rasa-rasa ngoni mo cungkel lagi ngoni pe mata kong kase pa kita.

2 Timotius 2:19

Biar bagitu me, Tuhan Allah pe ajaran tetap kuat sama deng ruma pe fandasi. Di Tuhan Allah pe ajaran itu so tatulis bagini, “Tuhan Allah kanal Dia pe umat” deng “Sapa saja yang bilang, dia itu Tuhan Allah pe umat, dia musti berenti biking yang jahat”.

1 Petrus 1:5

Ngoni ini, Tuhan Allah ada jaga deng Dia pe kuasa karna ngoni percaya pa Dia. Dia jaga pa ngoni sampe ngoni mo dapa slamat dari dosa-dosa. Slamat itu yang Dia so kase sadia di hari kiamat nanti.

2 Petrus 3:17

Jadi sudara-sudara yang kita sayang, ngoni so kamuka tau samua itu. Karna itu ngoni musti ati-ati deng guru-guru palsu yang jaga malawang Tuhan Yesus pe ajaran, supaya ngoni tara iko dong pe sala itu, tapi ngoni tetap percaya.

1 Yohanes 2:18

Ngoni yang kita sayang sama deng kita pe ana-ana, hari kiamat so dekat, kong ngoni so dengar to, satu orang yang musu pa Yesus Kristus akan datang. Mala skarang dorang itu so banya yang datang. Itu dia pe tanda torang bole tau, hari kiamat so dekat.

1 Yohanes 2:22

Sapa yang pangbafoya? Tantu orang yang bilang kata, Yesus Kristus itu bukang Raja yang Tuhan Allah pili untuk kase slamat pa manusia. Orang itu musu pa Yesus Kristus. Dia tara percaya pa Bapa torang pe Tuhan Allah deng pa Anak Allah.

1 Yohanes 5:18

Torang tau, samua orang yang so jadi Tuhan Allah pe ana-ana, dorang so tara biking dosa lagi. Barang, Anak Allah jaga pa dorang, sampe Iblis, setang-setang pe raja tara mampo mo kase kala pa dorang.

Wahyu 19:20

Tapi, Dia deng Dia pe tentara-tentara langsung tangka pa binatang jahat itu deng tangka pa binatang jahat itu pe nabi palsu. Nabi palsu itu yang perna biking tanda-tanda yang biking orang herang, pake binatang itu pe kuasa. Dia biking tanda-tanda itu la biking sesat pa orang-orang yang so tarima cap dari binatang jahat itu, deng yang so semba pa binatang jahat itu pe patong. Binatang jahat deng nabi palsu itu dapa buang hidup-hidup di api belerang yang luas skali.