Matius 24:12 - Perjanjian Baru Bahasa Melayu Maluku Utara

¹² Kong kajahatan yang orang biking mo lebe tatamba banya, karna itu banya orang so tara sayang lagi pa orang laeng.

Matius 24:12 ပူးပေါင်းရင်းမြစ်များ

Matius 24:11

Nanti ada banya orang yang datang, bilang kata, dorang itu nabi yang kase turus Tuhan Allah pe pasáng. Padahal dorang cuma tipu la banya orang so tara percaya lagi.

Matius 24:13

Tapi orang yang tetap percaya pa Kita sampe dia pe ahir hidup, Tuhan Allah mo kase slamat pa dia.

Yakobus 1:21

Jadi ngoni musti berenti biking samua hal yang tara bae deng yang jahat. Ngoni musti tarima Tuhan Allah pe firman deng hati yang tara sombong. Firman itu so ada di ngoni pe hati, kong punya kuasa untuk kase slamat pa ngoni.

Wahyu 2:10

Ngoni tara usa tako kalu nanti ngoni masi dapa siksa. Dengar bae-bae, nanti babarapa orang dari ngoni, Iblis mo coba, ngoni butul-butul percaya pa Kita ka tarada. Cobaan itu macam bagini, ngoni mo dapa maso di penjara kong dapa siksa di situ selama spulu hari. Tapi biar ngoni dapa siksa sampe mo mati me, ngoni musti tetap percaya pa Kita. Kalu ngoni tetap batahang percaya, Kita mo kase pa ngoni hidup deng Tuhan Allah slama-lamanya, itu sama deng ngoni dapa makota, tanda ngoni so menang.

Wahyu 3:15

Kita tau apa yang ngoni jaga biking di Laodikia. Ngoni tara butul-butul iko pa Kita, deng ngoni me tara manyangkal pa Kita. Ngoni itu sama deng aer yang tara panas deng tara dingin, tapi angat saja. Ngoni musti iko pa Kita butul-butul, atau lebe bae jang iko sama skali suda!