Matius 23:3 - Perjanjian Baru Bahasa Melayu Maluku Utara

³ Karna itu, ngoni musti dengar kong iko suda samua yang dorang ajar pa ngoni. Tapi jang ngoni iko dorang pe kalakuang, karna biar dorang ajar pa ngoni tapi dong sandiri tara biking itu.

Matius 23:3 ပူးပေါင်းရင်းမြစ်များ

Matius 21:30

Abis itu, bapa itu pigi pa dia pe ana yang kedua kong dia bilang lagi, ‘Hari ini, ngana pigi bakarja di kobong anggur.’ Ana kedua itu jawab pa dia pe papa, ‘Iyo papa.’ Padahal dia tara pigi.

Matius 23:2

“Guru-guru agama Yahudi yang ahli lima kitab Musa, deng orang-orang Yahudi dari aliran Farisi, dorang pe tugas sama deng nabi Musa dulu, untuk kase jelas aturan di lima kitab Musa.

Matius 23:4

Dorang biking aturan agama pe banya deng pe barát skali, baru suru orang banya iko itu. Padahal dorang sandiri tara biking aturan-aturan itu.

Kisah Para Rasul 5:29

Tapi Petrus deng rasul-rasul yang laeng bilang, “Torang musti lebe dengar pa Tuhan Allah, bukang pa manusia!

Roma 13:1

Tiap orang musti dengar-dengaran pa pemerinta, karna Tuhan Allah sandiri yang kase kuasa pa dorang, deng karna pemerinta-pemerinta yang ada itu Tuhan Allah yang pili.

2 Timotius 3:5

Kalu mo lia, dorang itu hidup iko Tuhan Allah pe mau, padahal sebenarnya dorang tara mau Tuhan Allah pe kuasa tinggal di dong pe hati. Jadi dorang itu tara iko Tuhan Allah pe mau. Orang yang bagitu, jang badekat pa dorang!

Titus 1:16

Dorang bilang kata, dorang kanal pa Tuhan Allah, padahal dong pe kalakuang itu kase tunju dorang itu tara kanal pa Dia. Orang-orang yang jahat bagitu, dorang tara iko Tuhan Allah pe mau, deng tara mampo biking barang yang bae.