Matius 23:29 - Perjanjian Baru Bahasa Melayu Maluku Utara

²⁹ Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Ngoni jaga biking nabi-nabi pe kubur bagus-bagus. Deng ngoni lagi jaga hias tugu-tugu peringatan, tugu yang biking untuk inga pa orang-orang yang jaga biking yang butul pa Tuhan Allah pe muka.

Matius 23:29 ပူးပေါင်းရင်းမြစ်များ

Matius 23:27

Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Ngoni itu sama deng kubur-kubur yang ada cet puti. Di luar dapa lia bagus, padahal di dalam ponong deng orang mati pe tulang deng samua yang busu.

Matius 23:28

Itu sama deng ngoni, dari luar dapa lia ngoni sama deng orang yang jaga biking yang butul pa Tuhan Allah pe muka, padahal dari dalam ngoni pe hati, ngoni paling munafik deng jahat.

Matius 23:30

Kong ngoni bilang bagini, ‘Kalu torang riki hidup sama-sama deng torang pe orang tua dulu-dulu, pasti torang tara iko bunu pa nabi-nabi itu.’

Kisah Para Rasul 2:29

Sudara-sudara, ini pasti raja Daud tara carita tentang dia pe diri sandiri. Barang, dia sandiri me so mati deng so dapa kubur, kong dia pe kubur masi ada sampe skarang di torang pe daera ini.