Matius 23:26 - Perjanjian Baru Bahasa Melayu Maluku Utara

²⁶ Ee ngoni orang-orang Yahudi dari aliran Farisi, ngoni sama deng orang-orang buta! Kase bersi dulu ngoni pe pikiran dari pikiran yang jahat, supaya apa yang ngoni biking deng bilang lagi itu jadi bagus, itu sama deng kase bersi galas deng piring pe bagian dalam supaya bagian luar lagi mo bersi.

Matius 23:26 ပူးပေါင်းရင်းမြစ်များ

Matius 12:33

Yesus bilang, “Kalu pohong bagus, pasti dia pe bua me bagus. Kalu pohong yang tara bagus, pasti dia pe bua me tara bagus. Torang bole mo dapa tau kalu pohong itu bagus atau tarada, torang lia cuma dari dia pe bua.

Matius 14:8

Pe dengar itu, ana itu pe mama suru pa dia supaya pigi pe Herodes kong bilang bagini, “Kita minta Yohanes Pembaptis pe kapala taru di atas baki, kong kase pa kita di sini!”

Markus 7:4

Bagitu lagi kalu dorang pulang dari pasar, dorang tara bisa makang kalu bolong ‘biking bersi diri’ iko dorang pe aturan. Ada lagi aturan laeng yang dorang masi pegang kuat, sama deng aturan mo cuci galas, tampayang deng barang-barang yang laeng.

Lukas 11:39

Tapi Tuhan Yesus bilang pa dia bagini, “Memang ngoni orang-orang Farisi. Dari luar, dapa lia ngoni rajin biking aturan agama, padahal di ngoni pe hati, ngoni ingin rampas orang laeng pe barang deng ngoni jahat skali. Itu sama deng orang yang jaga kase bersi galas deng piring cuma di luar, padahal bagian dalam kotor skali.

Lukas 6:45

Bagitu lagi deng orang yang bae. Dia pe bicara, deng yang dia biking itu bae, karna yang ada di dia pe hati itu hal-hal yang bae. Tapi orang yang jahat, dia pe bicara deng yang dia biking itu jahat, karna yang ada di dia pe hati itu hal-hal yang jahat. Barang, apa yang orang bilang itu bae atau jahat, samua itu kaluar dari orang itu pe hati.”

2 Korintus 7:1

Sudara-sudara yang kita sayang, karna torang so tarima Tuhan Allah pe janji-janji itu, mari suda torang kase bersi torang pe diri dari samua yang biking torang berdosa, bae itu yang ada pa tong pe hati, pikiran deng yang torang biking. Kong deng torang biking bagitu, torang yang so bersi dari dosa pa Tuhan Allah pe muka tamba hari jadi lebe tamba sempurna deng tako pa Tuhan Allah.

Ibrani 10:22

Dia so biking torang pe hubungan deng Tuhan Allah jadi bae-bae ulang, jadi mari suda torang datang pa Tuhan Allah deng hati yang tara ragu deng percaya butul-butul pa Dia. Barang, torang pe hati so jadi bersi dari yang jahat, deng tong pe badan so dapa kase bersi deng aer bersi.

Yakobus 4:8

Berusaha suda hidup dekat deng Tuhan Allah, supaya Dia badekat deng ngoni. Ee, ngoni orang-orang yang berdosa, kase bersi suda ngoni pe tangan yang jaga biking dosa! Deng ngoni yang masi tara tau mo iko yang mana: Tuhan Allah pe mau ka, dunia pe mau ka, ngoni musti kase bersi ngoni pe hati.