Matius 23:18 - Perjanjian Baru Bahasa Melayu Maluku Utara

¹⁸ Ngoni me ada ajar lagi bagini, ‘Sapa yang basumpa demi tampa bakar binatang korban persembahan, dia tara taika deng dia pe sumpa itu. Tapi sapa yang basumpa demi binatang korban persembahan yang di tampa itu, baru dia taika deng dia pe sumpa itu.’

Matius 23:18 ပူးပေါင်းရင်းမြစ်များ

Matius 23:16

Cilaka suda ngoni pemimpin-pemimpin! Ngoni itu sama deng orang buta yang tunda orang laeng! Barang, ngoni jaga ajar pa orang-orang bagini, ‘Sapa yang basumpa demi Ruma Ibada Pusat, orang itu tara taika deng dia pe sumpa. Tapi kalu dia basumpa demi barang mas yang ada di Ruma Ibada Pusat itu, dia taika deng dia pe sumpa itu.’

Matius 23:17

Ngoni ini bodo deng buta! Mana yang lebe penting, mas ka Ruma Ibada Pusat? Pasti Ruma Ibada Pusat, to? Karna Ruma Ibada Pusat yang biking mas di dalam itu jadi suci.

Matius 23:19

Ngoni ini orang-orang buta! Mana yang lebe penting, binatang korban persembahan itu, atau dia pe tampa bakar persembahan itu? Pasti tampa bakar korban persembahan itu, to? Barang, tampa itu yang biking korban persembahan jadi suci.

Markus 7:11

Tapi ngoni ajar orang, apa yang dorang mau kase untuk tolong pa dorang pe papa atau dorang pe mama itu, jang dong kase, tapi biking jadi persembahan pa Tuhan Allah.

Galatia 5:3

Kita kase inga ulang pa ngoni: tiap orang yang kase dia pe diri supaya dapa sunat iko aturan itu, dia itu musti iko samua aturan di lima kitab Musa.