Matius 23:14 - Perjanjian Baru Bahasa Melayu Maluku Utara

¹⁴ Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang ngoni suka biking bodo pa janda-janda la ambe dong pe ruma. Baru ngoni kalu berdoa, suka kase panjang-panjang supaya orang tau ngoni itu orang bae, padahal tarada. Karna itu, ngoni pasti mo dapa hukuman yang paling barát].

Matius 23:14 ပူးပေါင်းရင်းမြစ်များ

Matius 11:24

Inga bae-bae e, nanti di hari kiamat, waktu Tuhan mo adili pa samua orang, orang-orang jahat di daera Sodom itu pe hukuman akan lebe ringan dari ngoni.”

Matius 23:13

Yesus bilang lagi, “Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang, ngoni sandiri tara kase ngoni pe diri jadi Tuhan Allah pe umat la Dia Berkuasa sebagai Raja pa ngoni pe hidup, deng ngoni sandiri me pele pa orang-orang yang berusaha mo jadi Dia pe umat. Itu sama deng ngoni so tutu pintu pa dorang. [

Matius 23:33

Woe ngoni orang-orang jahat. Ngoni sama deng ular bisa. Ngoni itu turunan orang jahat, sama deng ular bisa pe turunan. Tuhan Allah akan kase maso pa ngoni di neraka, kong ngoni tara akan mo lolos.

Markus 12:40

Dorang me suka biking bodo pa janda-janda la ambe dong pe ruma. Baru dorang kalu berdoa kase panjang-panjang, padahal cuma mo kase dengar pa orang. Dorang itu pasti mo dapa hukuman yang paling barát.”

Lukas 12:48

Tapi orang karja yang tara tau dia pe tuang pe mau kong biking yang sala sampe musti dapa pukul, dia itu cuma mo dapa pukul sadiki. Karna sapa yang Tuhan Allah so kase banya kemampuan, nanti Tuhan Allah mo tuntut lebe dari yang laeng. Kong sapa yang Tuhan Allah so kase percaya banya, Tuhan Allah mo minta tanggung jawab lebe basar lagi pa dorang.”

Lukas 20:47

Dorang me suka biking bodo pa janda-janda la ambe dong pe ruma. Baru dorang kalu berdoa kase panjang-panjang supaya orang tau dorang itu orang bae. Dorang ini pasti mo dapa hukuman yang paling barát.”

2 Timotius 3:6

Babarapa orang dari dorang bawa ajaran yang tara butul di orang-orang pe ruma, kong tipu pa parampuang-parampuang yang dong pe dosa banya skali deng gampang tagoda. Parampuang-parampuang itu gampang dapa tipu deng macam-macam keinginan yang kuasai pa dorang.

Titus 1:10

Kita suru ngana cari orang yang pimpin macam bagitu, karna dorang itu musti kuat hadapi banya orang yang tantang ajaran yang butul skarang ini. Orang-orang itu suka pengaru orang laeng supaya iko pa dorang, padahal dorang pe ajaran itu ajaran yang sala deng tara guna. Lebe-lebe lagi, ada dari dorang itu, orang agama Yahudi yang so percaya pa Yesus, tapi dong kase ajar kata, kalu orang bukang Yahudi yang mo iko pa Yesus, musti sunat dulu.

Yakobus 3:1

Sudara-sudara, jang sampe banya dari ngoni mau jadi guru untuk ajar Tuhan pe firman. Barang torang tau, kalu torang ajar hal yang sala kong orang iko, berarti Tuhan Allah akan hukum pa torang lebe barát dari orang yang bukang guru.

2 Petrus 2:14

Dorang pe mata kalu lia parampuang, haga deng napsu. Dorang tara perna puas biking dosa. Dorang jaga goda pa orang-orang yang pe percaya bolong kuat pa Tuhan, supaya iko pa dorang untuk biking yang jahat. Dorang itu tara perna puas deng dong pe barang yang so ada, kong dong me mo ambe orang punya. Dorang itu Tuhan Allah pasti mo hukum!

2 Petrus 2:3

Guru-guru palsu itu gila doi, jadi dorang karang-karang carita la tipu pa ngoni samua, supaya dong dapa doi. Tapi dari dulu, Tuhan Allah so rencana untuk hukum pa dorang. Dorang itu pasti mo mati tapisa dari Tuhan Allah slama-lamanya.