Matius 23:12 - Perjanjian Baru Bahasa Melayu Maluku Utara

¹² Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri sama deng orang yang tara arti apa-apa, Tuhan Allah mo angka pa dia jadi orang yang penting.”

Matius 23:12 ပူးပေါင်းရင်းမြစ်များ

Matius 18:4

Jadi, sapa yang anggap diri biasa-biasa saja sama deng ana kacil ini, dia itu suda yang Tuhan Allah anggap paling hebat di antara Tuhan Allah pe umat yang Dia Berkuasa sebagai Raja.

Matius 5:3

“Paling sanang suda orang-orang yang rasa dong pe diri tara pantas pa Tuhan Allah pe muka, karna dorang itu suda yang jadi Tuhan Allah pe umat yang Dia Berkuasa sebagai Raja.

Lukas 14:11

Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri sama deng orang yang tara arti apa-apa, Tuhan Allah mo angka pa dia jadi orang yang penting.”

Lukas 18:14

Jadi ini yang Kita mo bilang pa ngoni: tukang tagi pajak itu pulang pa dia pe ruma, kong Tuhan Allah biking dia jadi orang yang tara sala pa Tuhan Allah pe muka, tapi orang dari aliran Farisi itu, tarada. Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri tara arti apa-apa pa Tuhan Allah pe muka, Tuhan Allah mo angka pa dia jadi orang yang penting.”

Yakobus 4:6

Tapi untung bae Tuhan Allah kase Dia pe bae pa torang lebe basar. Jadi Dia bilang bagini, “Tuhan Allah tara suka deng orang yang sombong, tapi Dia kase Dia pe bae pa orang yang tara sombong.”

1 Petrus 5:5

Bagitu lagi deng ngoni yang masi muda, ngoni musti dengar-dengaran pa orang-orang yang lebe tua. Ngoni samua musti baku bantu deng jang basombong satu deng yang laeng, karna ada tatulis di Kitab Suci bagini, “Tuhan Allah tara suka deng orang yang sombong, tapi Dia kase Dia pe bae pa orang yang tara sombong.”

1 Petrus 5:6

Karna itu, ngoni musti hidup sama deng orang yang tara arti apa-apa pa Tuhan Allah pe muka. Kalu ngoni biking bagitu, nanti pas di waktu yang Dia so tentukan, Dia yang pe kuasa basar itu mo angka pa ngoni samua la dapa hormat.