Matius 23:11 - Perjanjian Baru Bahasa Melayu Maluku Utara

¹¹ Sapa dari ngoni yang jadi orang penting, dia musti layani pa orang laeng sama deng orang karja layani orang.

Matius 23:11 ပူးပေါင်းရင်းမြစ်များ

Matius 23:10

Jang lagi ngoni kase biar orang pangge pa ngoni ‘pemimpin’, karna ngoni pe Pemimpin cuma satu, Dia itu Mesias, Raja yang Tuhan Allah janji mo kase slamat pa manusia.

Markus 9:35

Yesus dudu kong pangge pa Dia pe dua blas murit itu, turus Dia bilang bagini, “Sapa yang suka mo jadi orang yang paling hebat pa Tuhan Allah pe muka, dia musti jadi sama deng orang yang paling tara penting di dunia ini, kong dia lagi musti jadi sama deng orang yang biasa-biasa saja yang layani pa samua orang.”

1 Korintus 9:19

Barang, biar kita ini orang bebas, tapi kita biking kita pe diri ini sama deng samua orang pe orang karja, supaya bisa bantu orang-orang jadi percaya pa Tuhan Yesus. Kita biking bagitu, la banya skali orang dapa slamat.

2 Korintus 11:23

Dorang bilang dorang itu orang-orang yang jaga biking apa yang Yesus Kristus suru. Tapi kita, kita ini orang yang jaga biking apa yang Yesus Kristus suru, lebe dari dorang itu. (Kita bicara ini sama deng orang yang so tara waras bicara!) Tapi sebenarnya kita ini yang karja karas lebe dari dorang itu, sampe banya kali kita maso penjara, banya kali kita dapa pukul deng dapa siksa sampe tara mampo hitung, kong banya kali lagi kita amper mati.

2 Korintus 4:5

Yang torang dua kase tau pa orang-orang, bukang tentang torang pe diri sandiri, tapi torang kase tau tentang Yesus Kristus, Dia itu suda Tuhan, yang pimpin pa torang! Deng torang bawa tong pe diri ini sama deng Tuhan pe orang karja untuk layani pa ngoni, iko Yesus Kristus pe mau.

Galatia 5:13

Sudara-sudara, Tuhan Allah so pangge pa ngoni iko pa Dia, deng bagitu ngoni bisa bebas dari aturan-aturan di lima kitab Musa untuk dapa slamat. Cuma jang ngoni pikir ngoni so bebas, turus ngoni bole biking kalakuang yang tara bagus iko apa saja yang ngoni suka. Bukang bagitu. Tapi yang butul yang musti biking itu, ngoni musti baku-baku layani karna ngoni baku sayang.