Matius 22:8 - Perjanjian Baru Bahasa Melayu Maluku Utara

⁸ Abis itu, raja bilang pa orang-orang karja laeng bagini, ‘Pesta kawing so siap, tapi orang-orang yang kita undang itu tara pantas maso di kita pe pesta.

Matius 22:8 ပူးပေါင်းရင်းမြစ်များ

Matius 22:7

Pe dengar bagitu, raja nae dara. Turus, dia suru dia pe tentara-tentara ka sana la bunu pa orang-orang yang so bunu dia pe orang-orang karja itu, deng dia suru lagi bakar orang-orang itu pe kota.

Matius 22:9

Jadi skarang, ngoni pigi di jalang-jalang, kong ngoni undang sapa saja yang ngoni baku dapa di sana, la dong kamari maso di pesta kawing ini.’

Matius 9:15

Yesus jawab pa dorang pake babarapa umpama bagini, “Kita ini sama deng pengantin laki-laki. Kalu pengantin laki-laki masi ada di pesta kawing, apa dia pe tamang-tamang mo sedi? Tara mungkin dia pe tamang-tamang mo sedi kalu dia masi sama-sama deng dorang. Tapi nanti ada dia pe waktu, orang mo ambe pa pengantin laki-laki itu dari dorang. Waktu itu baru dorang bapuasa.

Lukas 20:35

Tapi orang-orang yang Tuhan Allah anggap pantas untuk hidup di sorga, dorang itu nanti Dia mo kase hidup ulang, deng dorang itu so tara kawing lagi.

Lukas 21:36

Tapi, ngoni musti turus-turus jaga diri bae-bae, deng berdoa supaya ngoni jadi kuat batahang untuk hadapi samua sengsara yang mo jadi itu sampe ngoni lolos dari itu. Deng bagitu, ngoni siap mo mangada pa Anak Manusia.”

Kisah Para Rasul 13:46

Tapi Paulus deng Barnabas barani skali mangada pa orang-orang itu kong bilang, “Memang Tuhan Allah yang suru la torang kase tau kamuka Tuhan Allah pe firman pa orang-orang Yahudi. Tapi ngoni tara mau percaya, jadi deng bagitu, ngoni so nilai ngoni pe diri tara pantas mo dapa hidup deng Tuhan Allah slama-lamanya. Jadi, skarang torang mo pigi pa orang-orang yang bukang Yahudi supaya mo kase tau Tuhan Allah pe firman itu.

2 Tesalonika 1:5

Waktu torang dengar ngoni pe kabar bagitu, torang tau, samua yang Tuhan Allah biking itu adil. Ngoni skarang dapa siksa karna percaya pa Tuhan, tapi ngoni tetap percaya pa Dia. Jadi ngoni pantas jadi Tuhan Allah pe umat yang Dia Berkuasa sebagai Raja pa ngoni pe hidup.

Wahyu 22:14

Orang-orang yang pe hati so bersi, dorang sama deng orang yang cuci dong pe pakeang sampe bersi. Dorang itu paling sanang suda, karna nanti dong bole maso di dalam kota itu iko pintu-pintu gerbang, deng dorang lagi ada hak untuk makang bua yang biking dorang hidup deng Tuhan Allah sampe slama-lamanya.

Wahyu 3:4

Tapi ada babarapa orang di Sardis yang dorang pe hidup bersi pa Tuhan Allah pe muka, dorang itu sama deng orang yang jaga dong pe baju la jang kotor. Kong dorang itu nanti akan bajalang sama-sama deng Kita pake baju puti, karna dorang memang pantas bajalang sama-sama deng Kita.