Matius 22:40 - Perjanjian Baru Bahasa Melayu Maluku Utara

⁴⁰ Dua parenta ini suda yang jadi dasar dari samua aturan di lima kitab Musa deng di nabi-nabi laeng pe kitab.”

Matius 22:40 ပူးပေါင်းရင်းမြစ်များ

Matius 7:12

Jadi, apa saja yang bae yang ngoni suka orang biking pa ngoni, itu suda yang ngoni musti biking pa orang laeng. Deng ngoni biking bagitu, ngoni so biking apa yang tatulis di lima kitab Musa deng di nabi-nabi laeng pe kitab.”

Yohanes 1:17

Memang dari nabi Musa, torang tau Tuhan Allah pe aturan di lima kitab Musa, tapi dari Yesus Kristus, torang bole tau Tuhan Allah pe sayang deng Dia pe ajaran yang butul.

Roma 13:9

Karna di lima kitab Musa itu ada tatulis bagini: ‘Jang baku suka deng orang pe laki atau orang pe bini, jang bunu orang, jang pancuri, deng jang ingin apa yang orang laeng punya.’ Torang so biking samua parenta itu kalu torang biking Tuhan Allah pe parenta satu yang bagini, “Ngoni musti sayang pa orang laeng sama deng ngoni sayang pa ngoni pe diri sandiri!”

Galatia 5:14

Barang, Tuhan Allah pe parenta bagini, “Ngoni musti sayang pa orang laeng sama deng ngoni sayang pa ngoni pe diri sandiri.” Kalu ngoni iko parenta itu, itu sama deng ngoni so iko samua aturan di lima kitab Musa.

1 Timotius 1:5

Kita kase nasehat ini pa ngana, dia pe tujuan supaya orang-orang percaya baku sayang. Torang bisa baku sayang kalu torang pe hati so bersi, torang pe hati tau apa yang butul, deng tong so butul-butul percaya pa Tuhan.

Yakobus 2:8

Kalu ngoni iko aturan yang paling penting yang tatulis di Kitab Suci, itu dia pe arti, ngoni so biking yang bae. Aturan itu pe babunyi bagini, ‘Ngoni musti sayang pa orang laeng, sama deng ngoni sayang pa ngoni pe diri sandiri.’