Matius 22:23 - Perjanjian Baru Bahasa Melayu Maluku Utara

²³ Hari itu suda, ada babarapa orang agama Yahudi dari aliran Saduki datang pa Yesus. Aliran ini pe ajaran, orang yang so mati tara akan hidup ulang. Jadi dorang tanya pa Yesus bagini,

Matius 22:23 ပူးပေါင်းရင်းမြစ်များ

Matius 16:6

Kong Yesus bilang pa dorang, “Ngoni musti ati-ati deng orang dari aliran Farisi pe ragi deng yang dari aliran Saduki pe ragi.”

Matius 3:7

Ada lagi banya orang Yahudi dari aliran Farisi deng aliran Saduki datang pa Yohanes la mo minta Yohanes baptis pa dorang. Tapi waktu Yohanes lia pa dorang, dia bilang, “Ee, ngoni orang-orang jahat. Ngoni pe jahat sama deng ular bisa. Jang ngoni kira kalu ngoni so datang kamari dapa baptis, ngoni bole mo dapa lolos dari Tuhan Allah pe hukuman.

Kisah Para Rasul 4:1

Waktu Petrus deng Yohanes masi bicara pa orang banya itu, ada imam-imam, kapala penjaga Ruma Ibada Pusat, deng babarapa orang Yahudi laeng dari aliran Saduki datang pa dorang di situ.

Kisah Para Rasul 5:17

Waktu itu, agama Yahudi pe imam basar deng samua orang agama Yahudi dari aliran Saduki yang ada deng dia, dorang mangiri karna apa yang rasul-rasul biking.

2 Timotius 2:18

Dorang dua itu so tara iko ajaran yang butul. Dorang ajar kata, Tuhan Allah so kase hidup lagi orang-orang yang so mati, jadi nanti so tarada lagi orang yang mati kong hidup ulang. Dorang ajar bagitu, jadi ada babarapa orang so tara percaya lagi yang butul pa Yesus.