Matius 22:22 - Perjanjian Baru Bahasa Melayu Maluku Utara

²² Pe dengar itu, dorang herang deng so tara dapa akal lagi mo cari Yesus pe sala, jadi dong pigi kase tinggal pa Dia.

Matius 22:22 ပူးပေါင်းရင်းမြစ်များ

Matius 10:16

Yesus bilang lagi pa Dia pe murit-murit, “Dengar e! Kita utus pa ngoni pigi di tenga-tenga orang jahat, itu sama deng domba pe ana satu ekor pigi di tenga-tenga anjing utang. Jadi ngoni musti banya akal sama deng ular, deng ngoni pe hati musti tulus sama deng burung pombo.

Matius 22:33

Waktu orang banya yang ada di situ dengar apa yang Yesus bilang, dorang herang, barang dorang suka skali deng Dia pe ajaran itu.

Matius 22:46

Dari samua orang itu, tara ada satu orang lagi yang bisa jawab apa-apa pa Yesus. Kong mulai dari waktu itu, tarada satu orang lagi yang barani batanya pa Yesus.

Matius 8:10

Pe dengar komandan itu bilang bagitu, Yesus jadi herang skali, kong Dia bilang pa orang-orang yang iko pa Dia, “Dengar bae-bae yang Kita bilang pa ngoni, bolong perna Kita dapa satu orang dari bangsa Israel yang dia pe percaya kuat sama deng orang yang dari bangsa Roma ini!

Markus 12:12

Pe dengar itu, pemimpin-pemimpin agama Yahudi jadi mangarti, orang-orang jahat di umpama itu, Yesus pe maksut itu pa dorang. Dari situ dorang berusaha mo tangka pa Dia, tapi dorang tako pa orang banya kong dorang pigi kase tinggal pa Dia.

Lukas 21:15

Barang, Kita sandiri yang mo biking ngoni pande bajawab, sampe ngoni pe musu-musu tara mampo mo balas ngoni pe bicara atau mo baku malawang deng ngoni.

Kisah Para Rasul 6:10

Tapi dorang tara mampo baku malawang deng Stefanus, barang Roh Kudus kuasai pa dia sampe dia pande bicara deng tau banya hal.

Kolose 4:6

Waktu ngoni bicara pa dorang, bicara bae-bae la dorang pe hati sanang deng dong suka dengar apa yang ngoni bilang. Kalu ngoni jaga bicara bae-bae bagitu, nanti ngoni akan tau apa yang pantas ngoni jawab pa tiap-tiap orang yang tanya tentang ngoni pe percaya.