Matius 22:21 - Perjanjian Baru Bahasa Melayu Maluku Utara

²¹ Dorang jawab, “Raja basar Roma pe gambar deng pe nama.” Kong Yesus bilang pa dorang, “Kalu bagitu, kase suda pa raja apa yang ngoni musti kase pa dia, deng kase suda pa Tuhan Allah apa yang ngoni musti kase pa Tuhan Allah!”

Matius 22:21 ပူးပေါင်းရင်းမြစ်များ

Matius 22:20

Turus Yesus tanya pa dorang bagini, “Sapa pe gambar deng sapa pe nama ini?”

Matius 22:37

Yesus bilang pa dia, “Parenta yang paling penting itu bagini, ‘Ngoni musti butul-butul sayang pa Tuhan Allah, ngoni pe Tuhan. Ngoni musti sayang pa Dia lebe dari samua yang ngoni sayang, deng ngoni lagi musti sayang pa Dia deng cara salalu inga pa Dia.’

Matius 4:10

Tapi Yesus bilang pa dia, “Ee Iblis, pigi suda dari sini! Karna di Kitab Suci ada tatulis bagini, ‘Ngoni musti semba pa Tuhan Allah, Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Markus 12:17

Kong Yesus bilang pa dorang, “Kase suda pa raja apa yang ngoni musti kase pa raja, deng kase suda pa Tuhan Allah apa yang ngoni musti kase pa Tuhan Allah!” Pe dengar bagitu, dorang herang skali.

Lukas 20:25

Turus Yesus bilang pa dorang, “Kalu bagitu, kase suda pa raja apa yang ngoni musti kase pa dia, deng kase suda pa Tuhan Allah apa yang ngoni musti kase pa Tuhan Allah!”

Lukas 23:2

Di situ dorang mulai tudu pa Dia, bilang bagini, “Dia ini so pengaru torang pe orang-orang satu bangsa la jang bayar pajak pa pemerinta Roma. Dia bilang lagi Dia itu Kristus, yang pe arti, Raja yang Tuhan Allah janji mo kase slamat pa manusia.”

Kisah Para Rasul 4:19

Tapi Petrus deng Yohanes bilang pa dorang, “Coba bapa-bapa pikir. Mana yang lebe butul pa Tuhan Allah pe muka: iko bapa-bapa pe parenta atau iko Tuhan Allah pe parenta?

Kisah Para Rasul 5:29

Tapi Petrus deng rasul-rasul yang laeng bilang, “Torang musti lebe dengar pa Tuhan Allah, bukang pa manusia!

Roma 13:7

Jadi ngoni bayar suda apa yang pantas ngoni bayar pa samua orang: ngoni musti bayar pajak, deng bayar yang laeng lagi pa pemerinta yang ada hak mo tarima itu. Deng ngoni musti dengar-dengaran kong musti hormati pa sapa saja yang pimpin pa ngoni.