Matius 22:13 - Perjanjian Baru Bahasa Melayu Maluku Utara

¹³ Turus, raja itu bilang pa dia pe orang-orang karja bagini, ‘Ngoni ika orang itu pe kaki deng tangan kong buang pa dia kaluar di tampa yang paling galap. Di tampa itu, orang-orang mo manangis sampe dong pe gigi mo babunyi karna sengsara.’ ”

Matius 22:13 ပူးပေါင်းရင်းမြစ်များ

Matius 12:29

Ambe conto bagini, tarada orang yang bisa maso pa orang yang kuat pe ruma kong pancuri dia pe barang, to? Dia musti ika dulu pa orang yang kuat itu, baru dia bisa pancuri orang kuat itu pe barang.

Matius 13:30

Jadi lebe bae, kase biar suda gandum itu batumbu sama-sama deng kusu-kusu sampe dia pe waktu bapete. Nanti Kita mo suru pa orang-orang yang bapete kumpul kamuka dulu kusu-kusu la ika satu-satu ika, baru bakar. Abis itu baru dorang kumpul gandum itu kong simpang di kita pe lumbung.’ ”

Matius 13:42

Kong malaekat-malaekat mo buang orang-orang itu di api yang tara mati-mati. Di situ dorang akan manangis sampe dong pe gigi babunyi karna siksa skali.

Matius 13:50

Kong malaekat-malaekat mo buang orang jahat di api yang tara akan mo mati-mati. Di sana dorang manangis sampe dong pe gigi babunyi karna dong siksa skali.”

Matius 24:51

Turus dia pe tuang mo hukum pa dia deng hukuman yang barát. Dia dapa hukuman mati. Kong dia pe nasib sama deng orang-orang munafik. Di situ, dorang mo manangis turus-turus sampe dong pe gigi bababunyi karna menderita skali.”

Matius 25:30

Jadi, skarang tangka pa orang karja yang tarada guna ini kong buang pa dia di tampa yang paling galap. Di tampa itu, orang-orang mo dapa hukum kong manangis sampe dong pe gigi babunyi, barang dong sengsara skali.’ ”

Matius 8:12

Tapi biar bangsa Yahudi yang kamuka dapa pili jadi Tuhan Allah pe umat, banya dari dorang yang tara ada di sana. Tuhan Allah akan buang pa dorang di tampa yang paling galap. Di situ, dorang akan manangis deng menderita skali.”

Lukas 13:28

Waktu itu, ngoni akan manangis deng menderita skali. Barang ngoni lia pa Abraham, Ishak deng Yakub ada sama-sama deng samua nabi di Tuhan Allah pe tampa Berkuasa sebagai Raja, baru ngoni yang tara dapa maso di situ, dapa user kaluar.

Yohanes 21:18

Inga bae-bae yang Kita mo bilang ini. Waktu ngana masi muda, ngana pake baju sandiri deng ngana bajalang ka mana saja ngana suka. Tapi kalu ngana so jadi tua, ngana mo kase ngana pe tangan kong orang mo ika, turus bawa pa ngana di tampa yang ngana tara suka mo pigi.”

Kisah Para Rasul 21:11

Dia datang pa torang kong pinjam Paulus pe ban. Dia kase conto ika dia pe kaki deng tangan sandiri pake ban itu. Turus dia bilang, “Roh Kudus bilang bagini, ‘Orang yang punya ban ini, nanti orang-orang Yahudi di Yerusalem mo ika pa dia sama deng yang kita biking ini. Abis itu dorang mo serakan pa dia pa orang-orang yang bukang Yahudi kong dorang siksa pa dia.’ ”

Kisah Para Rasul 7:54

Waktu kumpulan Mahkama Agama Yahudi dengar itu samua, dorang jadi hati saki kong mara skali pa Stefanus.

2 Tesalonika 1:9

Dorang mo dapa hukuman yang biking dorang rasa siksa sampe slama-lamanya. Dorang mo dapa user dari Tuhan pe muka, jadi dorang so tara mo lia lagi Dia pe kuasa yang luar biasa.

2 Petrus 2:17

Guru-guru palsu pe ajaran itu tara ada guna. Dorang sama deng mata aer yang so kiring, sama lagi deng awan galap yang tara jadi ujang karna angin so tiop. Tuhan Allah so kase sadia tampa yang paling galap untuk hukum pa dorang.

2 Petrus 2:4

Ambe conto, dulu malaekat-malaekat yang biking dosa me Tuhan Allah hukum. Dia buang pa dorang di neraka, turus ika deng rante pa dorang di tampa yang galap itu. Dorang di situ tara kaluar sampe hari kiamat, waktu Tuhan Allah mo adili pa samua orang.

Yudas 1:13

Dorang tara tau malu kase lia dong pe kalakuang yang tara bae, sama deng omba basar yang kase tinggal kotor-kotor di pante. Dorang me sama deng bintang-bintang yang bapinda kasana-kamari. Jadi untuk dorang itu, so tasadia tampa yang paling galap untuk slama-lamanya.

Yudas 1:6

Bagitu lagi deng malaekat-malaekat. Tuhan Allah so kase kuasa pa dorang, tapi ada dia pe batas. Cuma ada dari malaekat-malaekat itu yang tara puas deng dong pe batas kuasa yang Tuhan Allah kase, jadi dorang kaluar kase tinggal dong pe tampa tinggal di sorga. Malaekat-malaekat itu, Tuhan Allah ika pa dorang deng rante yang tara bisa talapas, kong tahang pa dorang di tampa yang paling galap, sampe di waktu Tuhan mo adili pa manusia.

Wahyu 21:27

Tapi samua yang jahat, atau orang yang jaga biking hal-hal yang cafarune atau yang jaga kase foya orang, dorang tara akan maso di kota itu. Yang bisa maso di kota itu cuma orang-orang yang dong pe nama ada tatulis di Anak Domba pe buku kehidupan. Di buku itu ada tulis orang-orang pe nama yang dapa hidup deng Tuhan Allah slama-lamanya.