Matius 21:43 - Perjanjian Baru Bahasa Melayu Maluku Utara

⁴³ Yesus bilang lagi pa dorang, “Jadi ngoni inga ini bae-bae, Tuhan Allah mo ambe ngoni orang Yahudi pe hak untuk jadi Tuhan Allah pe umat yang Dia Berkuasa sebagai Raja. Kong Dia mo kase hak itu pa orang laeng, lebe-lebe pa orang-orang yang mo biking Dia pe mau. Dorang itu sama deng pohong yang dia pe bua bagus-bagus. [

Matius 21:43 ပူးပေါင်းရင်းမြစ်များ

Matius 12:28

Tapi Kita, kalu Kita user setang-setang pake Tuhan Allah pe Roh pe kuasa, itu berarti Tuhan Allah so Berkuasa sebagai Raja pa ngoni pe tenga-tenga.

Matius 21:41

Dorang jawab pa Yesus, “Pasti dia mo bunu pa dorang yang jahat itu. Kong, dia mo baku ator deng orang-orang laeng la urus dia pe kobong anggur deng yang mau kase dia pe bagian waktu musim bapete.”

Matius 21:42

Kong Yesus bilang pa dorang, “Ngoni pasti so perna baca di Kitab Suci tentang itu, to? Bagini, ‘Batu yang tukang-tukang bangunan so tara pake, Tuhan Allah so biking jadi batu fandasi yang paling penting. Tuhan Allah biking bagitu, sampe torang lia itu bagus skali.’ ”

Matius 21:44

Sapa yang jatu di atas batu itu, dia akan ancor. Deng sapa yang tatindis deng batu itu, dia akan lebe ancor. Itu akan jadi pa orang yang tolak pa Kita.]”

Yohanes 3:3

Yesus bilang pa dia, “Inga bae-bae yang Kita mo bilang ini. Cuma orang yang lahir ulang, yang bisa jadi Tuhan Allah pe umat yang Dia Berkuasa sebagai Raja pa orang itu pe hidup.”

Yohanes 3:5

Yesus bilang, “Inga bae-bae yang Kita mo bilang ini: tiap orang yang ingin jadi Tuhan Allah pe umat, dia musti lahir dari aer, deng lahir lagi dari Roh Kudus. Kalu tara bagitu, Tuhan Allah tara Berkuasa sebagai Raja pa dia pe hidup.

1 Korintus 13:2

Biar lagi kita ada karunia untuk kase turus pasáng yang Tuhan Allah kase pa kita, deng biar lagi kita tau samua Tuhan Allah pe rencana yang orang laeng bolong tau, deng biar lagi kita tau samua hal, deng biar lagi kita pe percaya kuat sampe bole kase pinda gunung, tapi kalu kita tara sayang pa orang laeng, kita sama skali tara guna.

1 Petrus 2:9

Tapi ngoni ini suda yang Tuhan Allah so pili jadi Dia pe umat, kong biking ngoni jadi sama deng imam yang jaga layani pa Dia yang jadi torang pe Raja. Dia kase pisa pa ngoni dari samua orang untuk jadi Dia pe umat sandiri, kong ngoni jadi Dia pe rakyat yang pe hati bersi pa Dia pe muka. Ngoni jadi bagitu, supaya ngoni bole kase tau pa orang-orang hal-hal luar biasa yang Dia so biking. Dia itu suda yang so pangge pa ngoni kaluar dari galap, maso pa Dia pe tarang yang luar biasa.