Matius 21:37 - Perjanjian Baru Bahasa Melayu Maluku Utara

³⁷ Dia pe ahir kabawa, tuang kobong itu suru dia pe ana sandiri pigi pa orang-orang yang urus kobong itu. Tuang kobong itu bilang bagini, ‘Kalu kita pe ana yang ka sana, pasti dorang hormati pa dia.’

Matius 21:37 ပူးပေါင်းရင်းမြစ်များ

Matius 21:36

Abis itu, tuang kobong itu suru dia pe orang-orang karja yang laeng lagi pigi lebe banya dari yang pertama. Tapi orang-orang karja yang dapa suru itu me dapa biking sama deng orang-orang karja yang pertama.

Matius 21:38

Tapi waktu orang-orang yang urus kobong itu dapa lia pa tuang kobong itu pe ana, dorang baku bilang bagini, ‘Dia ini suda yang nanti jadi waris untuk kobong ini. Jadi, mari suda torang bunu pa dia, la kobong ini mo jadi torang punya.’

Matius 3:17

Kong dapa dengar Tuhan Allah pe suara dari sorga bagini, “Ini Kita pe Anak, Kita paling sayang pa Dia. Dia yang biking Kita pe hati sanang.”

Markus 12:6

Skarang tinggal satu orang, dia pe ana yang paling dia sayang. Ahirnya dia suru dia pe ana itu pigi pa dorang. Dia bilang bagini, ‘Kalu kita pe ana yang ka sana, pasti dorang hormati pa dia.’

Lukas 20:13

Kong tuang kobong itu bilang bagini, ‘Kita musti biking apa e? Lebe bae kita suru kita pe ana sandiri, yang kita sayang. Pasti dorang hormati pa dia.’

Yohanes 1:18

Tarada satu orang yang perna lia pa Tuhan Allah, tapi Anak Allah yang cuma satu itu yang jadi satu deng Tuhan Allah, Dia itu suda yang kase tunju deng jelas pa torang sapa itu Tuhan Allah.

Yohanes 1:34

Kita so lia pa Dia deng kita pe mata kapala sandiri, jadi kita kase tau pa orang-orang, Dia itu suda Anak Allah!”

Yohanes 3:16

Memang Tuhan Allah paling sayang skali pa samua orang di dunia ini, sampe Dia kase Dia pe Anak yang cuma satu untuk tebus manusia pe dosa-dosa, supaya sapa saja yang percaya pa Dia pe Anak tara mo dapa hukuman tapisa deng Tuhan Allah, tapi mo dapa hidup deng Dia slama-lamanya.