Matius 21:34 - Perjanjian Baru Bahasa Melayu Maluku Utara

³⁴ Waktu so dekat musim bapete anggur, dia suru dia pe orang-orang karja pigi pa orang-orang yang urus kobong itu untuk minta dia pe bagian.

Matius 21:34 ပူးပေါင်းရင်းမြစ်များ

Matius 21:35

Tapi sampe di sana, orang-orang yang urus kobong itu tangka pa orang-orang karja itu. Dorang pukul yang satu, kong yang laeng dong bunu, turus yang laeng lagi dong lempar deng batu sampe mati.

Matius 21:38

Tapi waktu orang-orang yang urus kobong itu dapa lia pa tuang kobong itu pe ana, dorang baku bilang bagini, ‘Dia ini suda yang nanti jadi waris untuk kobong ini. Jadi, mari suda torang bunu pa dia, la kobong ini mo jadi torang punya.’

Matius 21:40

Turus, Yesus tanya pa pemimpin-pemimpin agama Yahudi itu, “Menurut ngoni, kalu tuang kobong datang, dia mo biking apa pa orang-orang yang urus kobong itu?”

Matius 21:41

Dorang jawab pa Yesus, “Pasti dia mo bunu pa dorang yang jahat itu. Kong, dia mo baku ator deng orang-orang laeng la urus dia pe kobong anggur deng yang mau kase dia pe bagian waktu musim bapete.”

Matius 22:3

Bagitu samua so siap, dia suru dia pe orang-orang karja pigi pangge pa orang-orang yang dia so undang la datang suda di pesta kawing itu, tapi orang-orang itu tara mau datang.

Markus 12:1

Turus Yesus bicara lagi pa imam-imam kapala, guru-guru agama Yahudi yang ahli lima kitab Musa deng tua-tua Yahudi. Dia pake umpama bagini, “Ada satu orang babiking kobong anggur kong biking pagar kase kuliling kobong itu. Turus dia gale lobang la jadi tampa untuk baramas anggur. Kong dia biking lagi ruma kobong yang tinggi satu untuk orang bajaga kobong itu. Kong dia baku ator deng orang yang mo bakarja di kobong itu la urus dia pe kobong. Abis itu, dia pigi di daera laeng.

Markus 12:7

Tapi orang-orang yang jaga kobong itu baku bilang bagini, ‘Dia ini suda yang nanti jadi waris untuk kobong ini. Jadi mari torang bunu pa dia la kobong ini jadi torang punya.’

Markus 12:9

Pe abis carita umpama itu, Yesus bilang pa dorang, “Skarang, tuang kobong itu mo biking apa pa dorang? Pasti Dia mo datang bunu pa orang-orang yang jaga kobong itu, kong kobong itu dia kase pa orang laeng untuk jaga.

Lukas 20:9

Yesus kase carita umpama satu pa orang banya itu bagini, “Ada satu orang babiking kobong anggur. Turus, dia baku ator deng orang yang mo bakarja di kobong itu la urus dia pe kobong. Abis itu, dia sandiri pigi di daera laeng kong tinggal lama di sana.