Matius 21:26 - Perjanjian Baru Bahasa Melayu Maluku Utara

²⁶ Tapi kalu torang bilang, ‘Manusia yang kase hak’, torang tako orang banya ini akan mara, barang dorang anggap, Yohanes ini nabi yang jaga kase turus Tuhan Allah pe pasáng.”

Matius 21:26 ပူးပေါင်းရင်းမြစ်များ

Matius 11:9

Jadi untuk apa ngoni pigi ka sana? Apa ngoni ada pigi lia pa Yohanes karna dia itu nabi yang jaga kase turus Tuhan Allah pe pasáng? Butul suda! Tapi ngoni inga e, Yohanes itu lebe dari nabi biasa.

Matius 14:5

Waktu Herodes dengar bagitu, Dia ingin bunu pa Yohanes, tapi dia tako pa orang banya karna dorang anggap Yohanes itu nabi yang jaga kase turus Tuhan Allah pe pasáng.

Matius 21:11

Kong orang banya itu jawab, “Dia itu Yesus, Nabi dari Nazaret di daera Galilea!”

Matius 21:25

Coba ngoni bilang pa Kita, sapa yang kase hak pa Yohanes untuk baptis orang? Tuhan Allah, ka manusia?” Pe dengar bagitu, dorang baku bilang bagini, “Kalu torang bilang, ‘Tuhan Allah’, Dia akan mo bilang pa torang, ‘Bikiapa kong ngoni tara percaya pa Yohanes?’

Matius 21:27

Jadi dorang bilang pa Yesus, “Torang tara tau!” Kong Yesus me bilang pa dorang, “Kalu bagitu, Kita me tara kase tau pa ngoni sapa yang kase hak pa Kita untuk biking samua itu.”

Matius 21:46

Jadi dorang berusaha mo tangka pa Dia, tapi dorang tako pa orang banya, barang orang banya anggap Yesus itu nabi yang kase turus Tuhan Allah pe pasáng.

Markus 11:32

Tapi tara mungkin torang bilang, ‘Manusia yang kase hak.’ Torang tako orang banya ini akan mara, barang dorang anggap, Yohanes ini butul-butul nabi yang kase turus Tuhan Allah pe pasáng.”

Markus 12:12

Pe dengar itu, pemimpin-pemimpin agama Yahudi jadi mangarti, orang-orang jahat di umpama itu, Yesus pe maksut itu pa dorang. Dari situ dorang berusaha mo tangka pa Dia, tapi dorang tako pa orang banya kong dorang pigi kase tinggal pa Dia.

Markus 6:20

barang raja suru tentara jaga bae-bae pa Yohanes di penjara. Raja Herodes tako pa Yohanes, karna dia tau, Yohanes itu orang yang hidup butul deng hati bersi pa Tuhan Allah pe muka. Karna itu, dia tahang pa Yohanes. Biar raja pe hati tara sanang, tapi tiap kali dia dengar Yohanes bicara, dia suka dengar.

Lukas 20:19

Guru-guru agama Yahudi yang ahli lima kitab Musa deng imam-imam kapala, dorang mangarti umpama yang Yesus bilang-bilang tadi tentang orang-orang yang dapa suru jaga kobong itu, Dia pe maksut itu pa dorang. Karna itu, dorang berusaha la mo tangka pa Yesus tapi dorang tako pa orang banya yang ada di situ.

Lukas 20:6

Tapi kalu torang bilang, ‘Manusia yang kase hak’, samua orang ini akan lempar kase mati pa torang deng batu, karna dorang percaya, Yohanes ini nabi yang jaga kase turus Tuhan Allah pe pasáng.”

Lukas 22:2

Imam-imam kapala deng guru-guru agama Yahudi yang ahli lima kitab Musa, dong baku ator mo bunu pa Yesus deng cara sambunyi-sambunyi, karna dorang tako pa orang banya yang suka pa Yesus.

Yohanes 5:35

Apa yang Yohanes kase tau tentang Kita itu, itu bole mo kase sama deng lampu yang manyala kong bacahaya tarang. Kong cahaya itu biking sanang pa ngoni tapi cuma rabu-rabu saja.

Yohanes 9:22

Dia pe orang tua bilang bagitu, karna dorang tako pa pemimpin-pemimpin agama Yahudi. Barang, pemimpin-pemimpin agama Yahudi itu so baku ator, kalu ada orang yang mangaku Yesus itu Mesias, Raja yang Tuhan Allah janji mo kase slamat pa manusia, orang itu dapa larang maso di ruma ibada agama Yahudi.

Kisah Para Rasul 5:26

Pe dengar orang lapor bagitu, kapala penjaga deng dia pe ana bua pigi di Ruma Ibada Pusat, kong ambe ulang pa rasul-rasul itu deng bae-bae. Dorang ambe bae-bae, karna dong tako pa orang banya yang sanang pa rasul-rasul itu. Jang sampe orang banya yang sanang itu mo lempar pa dorang deng batu.