Matius 21:23 - Perjanjian Baru Bahasa Melayu Maluku Utara

²³ Bagitu sampe di Yerusalem, Yesus maso di Ruma Ibada Pusat pe kompleks. Waktu Yesus mangajar pa orang-orang di sana, imam-imam kapala deng tua-tua Yahudi datang pa Dia kong tanya bagini, “Samua yang Ngana so biking itu, Ngana dapa hak dari mana? Kong sapa yang kase hak itu pa Ngana?”

Matius 21:23 ပူးပေါင်းရင်းမြစ်များ

Matius 20:4

Kong dia bilang pa dorang, ‘Ngoni karja di kita pe kobong anggur e. Nanti kita bayar pa ngoni deng gaji yang sesuai.’ Pe dengar itu, dorang pigi bakarja di kobong.

Matius 21:24

Kong Yesus bilang pa dorang, “Kita lagi mo batanya pa ngoni. Deng kalu ngoni jawab apa yang Kita tanya ini, baru Kita lagi akan kase tau pa ngoni sapa yang kase hak pa Kita untuk biking samua itu.

Matius 24:1

Abis itu, Yesus kaluar dari Ruma Ibada Pusat. Waktu itu, Dia pe murit-murit badekat pa Dia kong kase tunju Ruma Ibada Pusat pe gedung-gedung yang bagus-bagus itu pa Yesus.

Matius 26:55

Kong Yesus bilang pa orang banya yang datang mo tangka pa Dia, “Ngoni sangka Kita ini orang jahat, sampe ngoni datang bawa parang deng kayu panggal la mo tangka pa Kita? Padahal tiap hari Kita kase tau Tuhan Allah pe Kabar Bae di Ruma Ibada Pusat, tapi ngoni tara tangka pa Kita di situ.

Lukas 19:47

Tiap hari Yesus mangajar di Ruma Ibada Pusat pe kompleks. Orang-orang Yahudi pe imam-imam kapala, guru-guru agama Yahudi yang ahli lima kitab Musa, deng pemimpin-pemimpin laeng berusaha la mo bunu pa Dia,

Lukas 20:1

Satu kali bagini, Yesus mangajar di Ruma Ibada Pusat pe kompleks. Dia ada kase tau pa dorang Kabar Bae dari Tuhan Allah. Waktu Yesus sementara mangajar, imam-imam kapala, guru-guru agama Yahudi yang ahli lima kitab Musa, deng tua-tua Yahudi datang di situ.

Kisah Para Rasul 4:7

Kong dorang suru bawa pa Petrus deng Yohanes mangada pa dorang. Turus, dorang mulai tanya-tanya pa dong dua bagini, “Ngoni biking apa sampe orang lumpu itu bisa sembu? Sapa yang kase kuasa itu pa ngoni?”

Kisah Para Rasul 7:27

Tapi orang yang pukul kamuka pa dia pe tamang itu tola pa Musa, kong bilang, ‘Sapa yang angka pa ngana jadi torang pe pemimpin? Sapa yang tunju pa ngana jadi torang pe tukang urus perkara?