Matius 21:22 - Perjanjian Baru Bahasa Melayu Maluku Utara

²² Deng, kalu ngoni berdoa pa Tuhan, apa saja yang ngoni minta, pasti Dia mo kase, asal ngoni butul-butul percaya.”

Matius 21:22 ပူးပေါင်းရင်းမြစ်များ

Matius 18:19

Kita bilang lagi pa ngoni, kalu di dunia ini ada dua orang dari ngoni yang satu hati berdoa minta apa saja, pasti Kita pe Bapa di sorga mo kase apa yang dorang minta itu.

Matius 7:11

Jadi biar ngoni pe hati tara bae, tapi ngoni tau bagimana kase barang yang bae pa ngoni pe ana-ana. Apalagi ngoni pe Bapa yang di sorga! Dia pe hati paling bae, Dia pasti mo kase yang bae pa orang-orang yang minta pa Dia.

Matius 7:7

Yesus bilang lagi, “Minta suda pa Tuhan Allah apa yang ngoni perlu, nanti Dia akan kase apa yang ngoni minta itu. Cari suda pa Tuhan Allah apa yang ngoni perlu, nanti ngoni akan dapa itu dari Dia. Toki suda Tuhan Allah pe pintu, nanti Dia akan buka pintu untuk tolong pa ngoni.

Markus 11:24

Karna itu, inga e, kalu ngoni berdoa pa Tuhan, apa saja yang ngoni minta, ngoni musti percaya ngoni akan tarima, kong pasti ngoni mo dapa itu.

Yohanes 14:13

Kong apa saja yang ngoni minta pa Bapa karna ngoni Kita pe umat, Kita mo biking itu untuk ngoni, supaya deng apa yang Kita biking itu, orang-orang bole puji deng hormat pa Kita pe Bapa.

Yohanes 15:7

Kalu ngoni hidup satu hati deng Kita turus, deng Kita pe kata-kata ada di ngoni pe hati, apa saja yang ngoni minta, ngoni akan dapa.

Yohanes 16:24

Dari dulu sampe skarang ngoni bolong minta apa-apa pa Kita pe Bapa pake Kita pe nama. Minta suda apa yang ngoni perlu kong ngoni akan dapa itu, supaya ngoni pe hati mo jadi sanang skali.

Yakobus 5:16

Jadi lebe bae ngoni baku mangaku ngoni pe dosa deng baku kase berdoa, supaya ngoni jadi sembu. Orang yang hidup butul pa Tuhan Allah pe muka, dia pe doa ada kuasa basar skali sampe ada dia pe hasil.

1 Yohanes 3:22

Jadi kalu torang minta apa saja pa Dia, Dia akan kase pa torang, karna torang salalu biking Dia pe parenta, deng jaga biking hal-hal yang kase sanang Dia pe hati.