Matius 21:15 - Perjanjian Baru Bahasa Melayu Maluku Utara

¹⁵ Tapi waktu imam-imam kapala deng guru-guru agama Yahudi yang ahli lima kitab Musa lia Yesus kase sembu pa orang-orang itu, dorang jadi mara. Deng dorang mara lagi waktu dorang dengar ana-ana babataria di Ruma Ibada Pusat pe kompleks, “Hosana! Puji pa raja Daud pe turunan ini!”

Matius 21:15 ပူးပေါင်းရင်းမြစ်များ

Matius 20:24

Waktu spulu murit yang laeng dengar apa yang dong dua minta itu, dorang hati saki pa dua sudara itu.

Matius 21:23

Bagitu sampe di Yerusalem, Yesus maso di Ruma Ibada Pusat pe kompleks. Waktu Yesus mangajar pa orang-orang di sana, imam-imam kapala deng tua-tua Yahudi datang pa Dia kong tanya bagini, “Samua yang Ngana so biking itu, Ngana dapa hak dari mana? Kong sapa yang kase hak itu pa Ngana?”

Matius 21:9

Orang banya yang bajalang pa Yesus pe muka deng yang iko dari balakang, puji pa Dia deng suara kuat, dong bilang bagini, “Hosana! Puji pa Dia, raja Daud pe turunan! Puji pa Dia yang Tuhan Allah so utus datang kamari! Hosana! Puji pa Tuhan Allah yang Paling Tinggi!”

Matius 22:42

“Coba ngoni bilang pa Kita, apa ngoni pe pendapat tentang Mesias, Raja yang Tuhan Allah janji, Dia itu sapa pe turunan?” Kong dorang jawab pa Yesus, “Dia itu raja Daud pe turunan.”

Matius 26:3

Waktu itu, orang Yahudi pe imam-imam kapala deng tua-tua bakumpul di imam basar Kayafas pe istana.

Matius 26:59

Di situ, imam-imam kapala deng samua pemimpin Mahkama Agama dorang cari orang-orang yang basaksi tara butul la kase bukti Yesus pe sala, supaya dorang mo hukum mati pa Dia.

Matius 27:1

Waktu masi pagi-pagi skali, samua imam-imam kapala deng tua-tua Yahudi so bakumpul kong ambe keputusan untuk bunu pa Yesus.

Matius 27:20

Tapi imam-imam kapala deng tua-tua Yahudi pengaru pa orang banya itu supaya minta gubernur kase bebas pa Barabas, kong kase hukuman mati pa Yesus.

Matius 9:27

Abis itu, Yesus pigi dari situ. Kong ada dua orang buta iko-iko pa Dia deng babataria, “Bapa, Raja Daud pe turunan, kasiang pa torang ka!”

Markus 11:18

Imam-imam kapala deng guru-guru agama Yahudi yang ahli lima kitab Musa dapa dengar yang Yesus biking di Ruma Ibada Pusat itu, jadi dorang cari jalang mo bunu pa Dia. Tapi dorang tako pa Dia, barang orang banya suka dengar Dia pe ajaran.

Lukas 20:1

Satu kali bagini, Yesus mangajar di Ruma Ibada Pusat pe kompleks. Dia ada kase tau pa dorang Kabar Bae dari Tuhan Allah. Waktu Yesus sementara mangajar, imam-imam kapala, guru-guru agama Yahudi yang ahli lima kitab Musa, deng tua-tua Yahudi datang di situ.

Lukas 22:2

Imam-imam kapala deng guru-guru agama Yahudi yang ahli lima kitab Musa, dong baku ator mo bunu pa Yesus deng cara sambunyi-sambunyi, karna dorang tako pa orang banya yang suka pa Yesus.

Lukas 22:66

Waktu masi pagi-pagi skali, tua-tua Yahudi, imam-imam kapala, deng guru-guru agama Yahudi yang ahli lima kitab Musa, dorang samua bakumpul untuk urus Yesus pe masala. Kumpulan itu pe nama Mahkama Agama. Kong ada yang bawa pa Yesus mangada pa dorang.

Yohanes 11:57

Dorang baku bilang bagitu, barang orang Yahudi pe imam-imam kapala deng orang-orang dari aliran Farisi so kase parenta pa orang-orang bagini: kalu ada yang tau Yesus ada di mana, musti lapor pa dorang supaya dong tangka pa Dia.

Yohanes 12:19

Kong orang-orang Yahudi dari aliran Farisi baku bilang, “Ado, tong pe usaha untuk kase berenti pa Dia tara berhasil. Coba ngoni lia saja, banya skali orang di dunia so datang iko pa Dia.”

Yohanes 4:1

Orang-orang Yahudi dari aliran Farisi dengar kabar, banya orang so iko pa Yesus, deng kata, Dia so baptis orang lebe banya dari Yohanes.

Yohanes 7:42

Di Kitab Suci ada bilang, nanti Mesias mo datang dari raja Daud pe turunan, kong dari kota kacil Betlehem di daera Yudea, raja Daud pe asal.”