Matius 20:34 - Perjanjian Baru Bahasa Melayu Maluku Utara

³⁴ Pe dengar itu, Yesus rasa kasiang pa dorang. Dia pegang dorang pe mata kong dorang langsung bisa dapa lia. Abis itu, dorang iko pa Yesus.

Matius 20:34 ပူးပေါင်းရင်းမြစ်များ

Matius 14:14

Waktu Yesus turung dari parau, Dia lia orang banya itu, kong Dia rasa kasiang pa dorang. Turus Dia kase sembu pa orang-orang yang saki.

Matius 15:32

Turus, Yesus pangge Dia pe murit-murit kong bilang bagini, “Kita rasa kasiang pa orang banya ini. So tiga hari dorang ada deng Kita, kong dong pe makanang so tarada. Kita tara mau suru dorang pulang deng puru kosong, kage kong dong smaput di jalang.”

Matius 20:33

Dorang jawab, “Bapa, torang minta supaya torang bisa dapa lia.”

Matius 21:1

Waktu Yesus deng Dia pe murit-murit so dekat kota Yerusalem, kong so sampe di kampong Betfage yang di Bukit Zaitun, Yesus suru Dia pe murit dua orang,

Matius 8:15

Yesus pegang maitua itu pe tangan, turus dia sembu. Maitua itu bangun kong layani Yesus makang.

Matius 9:29

Turus Yesus taru Dia pe tangan pa dorang pe mata kong bilang, “Jadi suda pa ngoni, iko ngoni pe percaya.”

Matius 9:36

Waktu Yesus lia pa orang banya itu, Dia rasa kasiang pa dorang. Barang, dorang pe susa banya deng dorang ilang smangat, sama deng domba yang tarada gembala untuk jaga pa dorang.

Markus 7:33

Turus Yesus bawa pa orang itu la kase jao dari orang banya supaya cuma dorang dua di situ. Abis itu, Yesus kase maso Yesus pe jari pa orang itu pe talinga dua-dua. Kong, Yesus luda pa Yesus pe jari kong raba orang itu pe lida.

Lukas 18:43

Waktu itu suda, orang buta itu so bole dapa lia, turus dia iko pa Yesus deng puji-puji pa Tuhan Allah. Orang banya yang lia hal itu, dorang samua puji-puji pa Tuhan Allah.

Lukas 22:51

Tapi Yesus bilang, “Berenti suda!” Turus, Yesus pegang orang itu pe talinga kong kase bae dia pe talinga itu.

Lukas 7:13

Waktu Tuhan Yesus lia pa ibu janda itu, Dia rasa kasiang. Turus Dia bilang pa ibu itu, “Ibu, jang manangis e!”

Kisah Para Rasul 26:18

Ngana ka sana untuk buka dorang pe pikiran supaya dorang tara hidup lagi di galap tapi hidup di tarang, supaya dorang talapas dari Iblis, setang-setang pe raja pe kuasa, kong Tuhan Allah pe kuasa mo ada sama-sama deng dorang. Kong karna dorang so percaya pa Kita, dorang pe dosa-dosa mo dapa ampun deng dorang mo dapa samua yang Tuhan Allah janji mo kase pa orang-orang yang Dia so biking jadi Dia pe umat.’

Ibrani 2:17

Kong karna Dia mo tolong pa torang yang jadi Dia pe sudara, Tuhan Allah musti biking Yesus jadi sama persis deng torang manusia. Deng karna Yesus so rasa samua yang torang so rasa, Dia bole kase tunju Dia pe rasa kasiang pa torang manusia, sampe bole kase Dia pe diri mati untuk tebus torang pe dosa-dosa. Deng Dia mati itu, Yesus jadi Imam Basar yang setia pa Tuhan Allah supaya torang deng Tuhan Allah pe hubungan jadi bae ulang.

1 Petrus 3:8

Jadi skarang, kita minta pa ngoni la ngoni samua hidup satu hati. Kalu ada dari ngoni yang rasa susa ka sanang, ngoni yang laeng me musti rasa sama deng yang dia rasa. Ngoni me musti sayang pa ngoni pe sudara-sudara yang percaya, kase tunju ngoni pe rasa kasiang pa samua orang, deng jang basombong.