Matius 20:27 - Perjanjian Baru Bahasa Melayu Maluku Utara

²⁷ Deng sapa dari ngoni yang suka mo jadi orang paling hebat pa Tuhan pe muka, dia musti biking dia pe diri sama deng orang karja untuk layani pa ngoni.

Matius 20:27 ပူးပေါင်းရင်းမြစ်များ

Matius 18:4

Jadi, sapa yang anggap diri biasa-biasa saja sama deng ana kacil ini, dia itu suda yang Tuhan Allah anggap paling hebat di antara Tuhan Allah pe umat yang Dia Berkuasa sebagai Raja.

Matius 20:26

Tapi ngoni tara bole bagitu! Sapa dari ngoni samua yang suka mo jadi hebat pa Tuhan pe muka, dia musti jadi sama deng orang biasa-biasa saja yang layani pa ngoni.

Matius 20:28

Itu sama deng Anak Manusia yang dari sorga datang di dunia ini bukang untuk dapa layani, tapi untuk layani deng kase diri mati la tebus orang banya pe dosa.”

Lukas 22:26

Tapi ngoni tara bole bagitu. Sapa dari ngoni samua yang mo jadi orang yang paling hebat pa Tuhan Allah pe muka, dia musti jadi sama deng orang tara penting. Kong sapa yang mo jadi pemimpin, dia itu musti jadi sama deng orang biasa-biasa saja yang jaga layani orang.

Roma 1:14

Kita ada beban supaya kase tau Kabar Bae itu pa samua orang: pa orang-orang yang tinggal di kota, deng pa orang-orang yang masi takablakang, pa orang-orang yang skola, deng pa orang-orang yang tara skola.

2 Korintus 11:5

Dorang yang datang ajar pa ngoni itu, orang bilang dorang itu, “Tuhan pe utusan-utusan yang hebat”, tapi menurut kita, dorang itu tara lebe hebat dari kita.

2 Korintus 12:15

Kita suka pake samua yang ada pa kita untuk bantu pa ngoni, mala kita pe hidup sandiri me kita kase korban supaya bisa bantu pa ngoni. Kita sayang skali pa ngoni macam deng bagitu, kong ngoni pe sayang pa kita cuma stenga-stenga tu!

2 Korintus 4:5

Yang torang dua kase tau pa orang-orang, bukang tentang torang pe diri sandiri, tapi torang kase tau tentang Yesus Kristus, Dia itu suda Tuhan, yang pimpin pa torang! Deng torang bawa tong pe diri ini sama deng Tuhan pe orang karja untuk layani pa ngoni, iko Yesus Kristus pe mau.