Matius 20:24 - Perjanjian Baru Bahasa Melayu Maluku Utara

²⁴ Waktu spulu murit yang laeng dengar apa yang dong dua minta itu, dorang hati saki pa dua sudara itu.

Matius 20:24 ပူးပေါင်းရင်းမြစ်များ

Matius 20:23

Turus Yesus bilang pa dorang, “Memang ngoni nanti menderita sama deng Kita. Tapi tentang sapa yang mo dudu di Kita pe sabla kanan deng sabla kiri, itu bukang Kita pe hak mo tentukan. Tampa itu Kita pe Bapa so sadia untuk orang-orang yang Dia so tentukan.”

Matius 20:25

Turus Yesus pangge pa dorang samua, kong Dia bilang bagini, “Ngoni tau, pemimpin-pemimpin dari bangsa-bangsa yang tara kanal pa Tuhan, dorang itu jaga pimpin pa dong pe rakyat deng karas. Bagitu lagi deng dorang pe orang-orang basar, dorang jaga siksa pa orang-orang yang dong pimpin.

Markus 10:14

Pe lia bagitu, Yesus mara kong bilang pa dorang, “Kase biar suda ana-ana itu datang pa Kita. Jang larang pa dorang, karna orang-orang yang tara sombong deng yang capat percaya sama deng ana-ana kacil ini, dorang itu yang kase dong pe diri pa Tuhan Allah la Dia Berkuasa sebagai Raja pa dorang pe hidup.

Markus 10:41

Waktu spulu murit yang laeng dengar apa yang Yakobus deng Yohanes minta, dorang hati saki pa dong dua.

Lukas 13:14

Pe lia itu, kapala ruma ibada agama Yahudi itu mara, barang Yesus so kase sembu orang di hari Sabat. Karna itu, dia bilang pa orang banya di situ, “Ada anam hari torang pake untuk bakarja. Kalu ngoni mau sembu, datang di hari-hari itu. Jangan di hari Sabat.”

1 Korintus 13:4

Orang yang sayang pa orang laeng, dia itu sabar, hati bae, tara mangiri, tara angka-angka diri, deng tara sombong.

Filipi 2:3

Jang ngoni biking satu barang cuma untuk kase sanang ngoni pe diri sandiri, atau supaya ngoni dapa puji. Tapi lebe bae, ngoni hidup tara basombong. Yang satu musti anggap yang laeng lebe penting dari dia pe diri.

Yakobus 3:14

Tapi kalu ngoni masi suka mangiri deng cuma pikir diri sandiri, jang ngoni basombong bilang ngoni itu pande skali. Kalu ngoni bagitu, ngoni so kase putar bale ajaran yang butul.

1 Petrus 5:5

Bagitu lagi deng ngoni yang masi muda, ngoni musti dengar-dengaran pa orang-orang yang lebe tua. Ngoni samua musti baku bantu deng jang basombong satu deng yang laeng, karna ada tatulis di Kitab Suci bagini, “Tuhan Allah tara suka deng orang yang sombong, tapi Dia kase Dia pe bae pa orang yang tara sombong.”