Matius 20:22 - Perjanjian Baru Bahasa Melayu Maluku Utara

²² Pe dengar itu, Yesus bilang pa dorang bagini, “Ngoni tara mangarti deng apa yang ngoni minta. Kita ini nanti mo dapa banya sengsara. Apa ngoni bisa pikul penderitaan sama deng Kita?” Kong dorang jawab, “Torang bisa!”

Matius 20:22 ပူးပေါင်းရင်းမြစ်များ

Matius 26:35

Tapi Petrus bilang pa Dia bagini, “Biar lagi kita musti mati sama-sama deng Guru, kita tara akan manyangkal pa Guru.” Kong Yesus pe murit-murit yang laeng me bilang bagitu.

Matius 26:39

Abis itu Yesus bajalang ka sana sadiki, turus Dia berlutut sampe Dia pe muka kanal tana, kong Dia berdoa, “Ya Bapa, kalu bole, jang Kita dapa penderitaan ini. Tapi jang iko Kita pe mau, iko saja Bapa pe mau.”

Matius 26:42

Abis itu, Yesus pigi berdoa lagi yang kedua kali. Dia berdoa bagini, “Ya Bapa, kalu penderitaan ini memang Kita musti dapa, biar suda Bapa pe mau yang jadi!”

Matius 26:56

Tapi biar suda, karna memang samua itu musti jadi, sama deng yang Tuhan Allah so bilang dari dulu pa nabi-nabi yang so tatulis di Kitab Suci.” Kong Yesus pe murit samua lari kase tinggal pa Dia.

Markus 14:36

Dia bilang bagini, “Papa e, ya Bapa, Kita tau samua Bapa bisa biking, tarada yang tara bisa. Jadi Kita minta Bapa kase jao samua penderitaan ini dari Kita, tapi jang iko Kita pe mau, iko saja Bapa pe mau.”

Lukas 12:50

Tapi masi ada lagi sengsara yang akan Kita mo dapa, kong Kita pe hati tara tenang sebelum sengsara itu Kita dapa.

Lukas 22:42

“Ya Bapa, kalu Bapa mau, Bapa kase jao samua penderitaan ini dari Kita. Tapi jang iko Kita pe mau, iko saja Bapa pe mau.”

Yohanes 18:11

Turus Yesus bilang pa Petrus, “Kase maso suda ngana pe parang itu. Kita pe Bapa so kase tau, Kita memang musti menderita, itu sama deng Kita musti minum dari cawan yang Kita pe Bapa kase untuk Kita minum.”

Roma 8:26

Bagitu lagi Tuhan Allah pe Roh mo tolong pa torang kase kuat torang pe hati waktu torang rasa tong pe percaya tara kuat. Jadi waktu torang berdoa, torang tara tau apa yang Tuhan Allah mau supaya torang mo bilang, tapi Tuhan Allah pe Roh yang tolong pa torang untuk kase turus pa Tuhan Allah apa yang torang mo bilang pa Tuhan Allah deng cara yang torang sandiri tara mampo bilang deng kata-kata.

Yakobus 4:3

Atau, ngoni memang ada berdoa tapi ngoni pe tujuan itu sala, jadi ngoni tara dapa apa-apa. Barang, yang ngoni minta itu cuma untuk mo kase sanang ngoni pe diri sandiri saja.