Matius 20:21 - Perjanjian Baru Bahasa Melayu Maluku Utara

²¹ Yesus tanya pa dia, “Ibu mo minta apa?” Dia bilang pa Yesus, “Guru, kalu Guru so jadi Raja kong so Berkuasa, Guru suru kita pe ana dua ini dudu pa Guru pe sabla. Satu di sabla kanan deng satu lagi di sabla kiri.”

Matius 20:21 ပူးပေါင်းရင်းမြစ်များ

Matius 18:1

Waktu itu, Yesus pe murit-murit datang pa Dia, kong batanya, “Guru, kalu Tuhan Allah Berkuasa sebagai Raja, sapa dari antara Tuhan Allah pe umat yang akan jadi orang yang paling hebat?”

Matius 19:28

Yesus bilang pa dorang, “Dengar bae-bae yang Kita bilang pa ngoni ini, nanti di waktu Tuhan Allah so biking dunia ini jadi baru ulang, Anak Manusia yang dari sorga mo dudu di atas kursi raja yang luar biasa. Waktu itu, ngoni samua yang iko pa Kita mo dudu lagi di dua blas kursi raja untuk adili pa dua blas suku bangsa Israel.

Matius 20:22

Pe dengar itu, Yesus bilang pa dorang bagini, “Ngoni tara mangarti deng apa yang ngoni minta. Kita ini nanti mo dapa banya sengsara. Apa ngoni bisa pikul penderitaan sama deng Kita?” Kong dorang jawab, “Torang bisa!”

Matius 20:32

Kong Yesus berenti, turus pangge pa dorang dua. Dia tanya pa dorang, “Ngoni mau Kita biking apa pa ngoni?”

Markus 10:51

Yesus tanya pa dia, “Ngana mau Kita biking apa pa ngana?” Turus orang buta itu bilang, “Guru, kita minta supaya kita bisa dapa lia.”

Markus 16:19

Abis Tuhan Yesus bicara pa Dia pe murit-murit, Dia taangka ka sorga, kong dudu di tampa yang terhormat pa Tuhan Allah pe sabla kanan.

Markus 6:22

Sementara pesta, Herodias pe ana parampuang maso kong manari. Dia manari bagus skali, sampe raja deng dia pe tamu-tamu me sanang. Kong raja pangge pa Herodias pe ana itu. Raja bilang pa dia bagini, “Ngana mo minta apa, bilang kamari pa kita, nanti kita kase!”

Lukas 18:41

“Ngana mau Kita biking apa pa ngana?” Orang buta itu jawab, “Bapa, kita minta supaya kita bisa dapa lia!”

Lukas 19:11

Yesus so dekat di kota Yerusalem. Karna itu, orang banya kira kata, Tuhan Allah so langsung mo Berkuasa sebagai Raja pa Dia pe umat sama deng Dia janji dulu. Karna Yesus tau itu, waktu dorang masi dengar pa Dia, Yesus tamba Dia pe carita satu pake umpama.

Lukas 22:24

Turus, Yesus pe murit-murit mulai baku malawang sapa yang jadi orang yang paling hebat dari dorang samua.

Yohanes 15:7

Kalu ngoni hidup satu hati deng Kita turus, deng Kita pe kata-kata ada di ngoni pe hati, apa saja yang ngoni minta, ngoni akan dapa.

Kisah Para Rasul 1:6

Satu kali bagini, Yesus bakumpul lagi deng Dia pe utusan-utusan yang orang sebut rasul-rasul, kong dorang tanya pa Dia, “Tuhan, apa skarang ini Tuhan mo kase bebas pa torang bangsa Israel dari bangsa Roma yang jaja pa torang, kong mo jadi torang orang Israel pe raja?”

Roma 12:10

Ngoni so sama deng basudara, jadi ngoni musti baku-baku sayang. Kong tiap orang musti lebe kamuka hormati turus-turus pa orang laeng lebe dari yang orang laeng biking.

Roma 8:34

Tarada yang bisa kase hukuman pa torang yang percaya, karna Kristus Yesus yang ada bela pa torang pa Tuhan Allah pe muka. Kristus Yesus mati supaya tebus torang pe dosa. Kong lebe dari itu lagi, skarang Dia so hidup ulang kong dudu di tampa yang terhormat, pa Tuhan Allah pe sabla kanan.

Kolose 3:1

Sudara-sudara yang percaya, karna Yesus Kristus so mati kong so hidup ulang, ngoni lagi sama deng so mati kong hidup ulang, kong ngoni dapa hidup deng Tuhan Allah slama-lamanya. Karna itu, taru suda ngoni pe hati deng pikiran pa apa yang ada di sorga, tampa Yesus Kristus ada, tampa yang terhormat, pa Tuhan Allah pe sabla kanan.