Matius 20:20 - Perjanjian Baru Bahasa Melayu Maluku Utara

²⁰ Abis itu, Zebedeus pe bini deng dia pe ana Yakobus deng Yohanes datang pa Yesus. Ibu itu berlutut pa Yesus mo minta satu barang.

Matius 20:20 ပူးပေါင်းရင်းမြစ်များ

Matius 10:2

Dua blas murit itu jadi Dia pe utusan-utusan, yang orang sebut rasul. Ini dorang pe nama-nama: yang pertama nama Simon (dia pe nama laeng, Petrus), Andreas (Simon pe sudara kandung), Yakobus deng Yohanes (Zebedeus pe ana-ana),

Matius 14:33

Pe lia samua itu, orang-orang yang ada di parau semba pa Yesus deng bilang, “Guru ini butul Anak Allah.”

Matius 15:25

Tapi biar Yesus bilang bagitu, ibu itu tetap badekat pa Yesus kong berlutut pa Dia, turus bilang, “Bapa, tolong pa kita ka!”

Matius 2:11

Kong waktu dorang maso di dalam ruma, dong lia Anak itu ada deng Dia pe mama, Maria. Turus, dong berlutut semba pa Anak itu. Dorang buka dong pe tampa harta kong kase kaluar barang-barang mahal yang dong bawa la kase pa Anak itu. Barang-barang yang dong kase itu: mas, kemenyan deng minya wangi mur.

Matius 27:56

Dari dorang itu, ada Maria orang Magdala, Maria yang jadi Yakobus deng Yusuf pe mama, deng Zebedeus pe bini yang jadi Yakobus deng Yohanes pe mama.

Matius 28:17

Sampe di sana, dorang lia pa Yesus kong dong semba pa Dia, tapi ada babarapa orang dari dorang yang masi bolong percaya itu butul-butul Yesus.

Matius 4:21

Abis itu, Yesus bajalang lagi kong Dia dapa lia dua orang ade kaka lagi. Yang satu dia pe nama Yakobus, yang satu lagi pe nama Yohanes. Dorang dua ada sama-sama deng dong pe papa Zebedeus kase bae-bae dong pe jala dalam parau. Kong Yesus pangge pa dong dua.

Matius 8:2

Waktu itu, ada satu orang yang panyake lepra datang pa Dia. Orang itu berlutut pa Yesus kong bilang bagini, “Bapa, kalu Bapa mau, Bapa bole kase sembu pa kita.”

Markus 15:40

Di situ ada lagi babarapa parampuang yang lia-lia pa Yesus dari jao. Dari dorang itu, ada Salome, Maria orang Magdala, deng Maria yang jadi Yakobus muda deng Yoses pe mama.