Matius 2:4 - Perjanjian Baru Bahasa Melayu Maluku Utara

⁴ Jadi, raja Herodes suru kumpul orang-orang Yahudi pe imam-imam kapala deng guru-guru agama Yahudi yang ahli lima kitab Musa. Kong dia tanya pa dorang, “Coba kase tau pa kita, di mana Mesias, Raja yang Tuhan Allah janji itu akan lahir?”

Matius 2:4 ပူးပေါင်းရင်းမြစ်များ

Matius 13:52

Kong Yesus bilang pa dorang, “Jadi tiap guru agama yang ahli lima kitab Musa, kong dia lagi tau ajaran tentang Tuhan Allah Berkuasa sebagai Raja, dia itu sama deng tuang ruma yang kase kaluar harta yang baru deng harta yang lama dari dia pe tampa simpang harta.”

Matius 2:3

Pe dengar dorang bilang ada raja yang baru, raja Herodes hawater, bagitu lagi deng samua orang yang ada di kota Yerusalem.

Matius 2:5

Dorang jawab, “Dia mo lahir di Betlehem, di daera Yudea, karna Tuhan Allah so bilang dari dulu pa Dia pe nabi, kong itu so tatulis di Kitab Suci bagini,

Matius 21:15

Tapi waktu imam-imam kapala deng guru-guru agama Yahudi yang ahli lima kitab Musa lia Yesus kase sembu pa orang-orang itu, dorang jadi mara. Deng dorang mara lagi waktu dorang dengar ana-ana babataria di Ruma Ibada Pusat pe kompleks, “Hosana! Puji pa raja Daud pe turunan ini!”

Matius 21:23

Bagitu sampe di Yerusalem, Yesus maso di Ruma Ibada Pusat pe kompleks. Waktu Yesus mangajar pa orang-orang di sana, imam-imam kapala deng tua-tua Yahudi datang pa Dia kong tanya bagini, “Samua yang Ngana so biking itu, Ngana dapa hak dari mana? Kong sapa yang kase hak itu pa Ngana?”

Matius 26:3

Waktu itu, orang Yahudi pe imam-imam kapala deng tua-tua bakumpul di imam basar Kayafas pe istana.

Matius 26:47

Waktu Yesus masi bicara, satu dari Yesus pe dua blas murit yang pe nama Yudas itu datang. Dia datang sama-sama deng satu rombongan basar, ada yang bawa parang deng ada lagi yang bawa kayu panggal. Orang-orang itu dapa suru dari imam-imam kapala deng tua-tua Yahudi.

Matius 27:1

Waktu masi pagi-pagi skali, samua imam-imam kapala deng tua-tua Yahudi so bakumpul kong ambe keputusan untuk bunu pa Yesus.

Matius 7:29

karna Dia mangajar pa dorang deng kuasa, tara sama deng dorang pe guru-guru agama Yahudi yang ahli lima kitab Musa.

Markus 8:31

Mulai waktu itu, Yesus kase tau pa Dia pe murit-murit, nanti Anak Manusia yang dari sorga musti dapa banya siksa, kong dapa tolak dari tua-tua Yahudi, imam-imam kapala, deng guru-guru agama Yahudi yang ahli lima kitab Musa. Dorang mo bunu pa Dia, tapi di hari ketiga, Dia hidup ulang.

Lukas 20:19

Guru-guru agama Yahudi yang ahli lima kitab Musa deng imam-imam kapala, dorang mangarti umpama yang Yesus bilang-bilang tadi tentang orang-orang yang dapa suru jaga kobong itu, Dia pe maksut itu pa dorang. Karna itu, dorang berusaha la mo tangka pa Yesus tapi dorang tako pa orang banya yang ada di situ.

Lukas 23:10

Sementara itu, orang Yahudi pe imam-imam kapala deng guru-guru agama yang ahli lima kitab Musa maju di muka kong tudu yang barát-barát pa Yesus.

Yohanes 18:3

Jadi Yudas datang ka sana lagi di tampa itu. Dia bawa tentara Roma satu kompi deng babarapa orang yang bajaga Ruma Ibada Pusat. Dorang datang karna dapa suru dari orang Yahudi pe imam-imam kapala deng orang-orang dari aliran Farisi. Dorang datang bawa lentera, obor deng senjata.

Yohanes 3:10

Yesus jawab, “Ee, bapa ini torang orang Israel pe guru agama to? Masa bapa tara mangarti yang Kita baru bilang tadi?

Yohanes 7:32

Orang-orang Yahudi dari aliran Farisi, dorang dengar orang banya baku-baku bisi tentang Yesus. Jadi, dorang deng imam-imam kapala suru pa penjaga-penjaga Ruma Ibada Pusat supaya tangka pa Yesus.

Yohanes 8:3

Waktu Yesus sementara mangajar, pemimpin-pemimpin agama Yahudi datang pa Dia. Dorang itu guru-guru agama yang ahli lima kitab Musa deng orang dari aliran fanatik yang pe nama Farisi. Dorang bawa parampuang satu yang dong dapa riki ada baku tidor deng orang yang bukang dia pe laki.

Kisah Para Rasul 23:9

Orang dari aliran Farisi deng Saduki baku malawang turus, sampe di situ tatamba kaco. Di situ, babarapa guru agama Yahudi yang ahli lima kitab Musa dari aliran Farisi, dorang maju di muka, kong bela pa Paulus. Dorang bilang, “Menurut torang, orang ini tara sala sama skali! Sapa tau, memang ada roh atau malaekat yang so bicara pa dia.”

Kisah Para Rasul 4:5

Dia pe beso pagi, pemimpin-pemimpin agama Yahudi, tua-tua Yahudi deng guru-guru agama yang ahli lima kitab Musa, dorang samua bakumpul untuk urus perkara itu di Yerusalem.

Kisah Para Rasul 6:12

Deng cara bagitu, dorang pengaru pa orang-orang Yahudi, tua-tua Yahudi deng guru-guru agama Yahudi yang ahli lima kitab Musa, sampe dorang dapa jalang tangka pa Stefanus. Dorang hela, kong bawa pa dia kase mangada di agama Yahudi pe kumpulan yang paling tinggi yang pe nama Mahkama Agama.