Matius 2:22 - Perjanjian Baru Bahasa Melayu Maluku Utara

²² Tapi waktu Yusuf dengar Arkhelaus so jadi raja ganti pa dia pe papa Herodes di daera Yudea, Yusuf jadi tako pulang ka sana. Turus, Tuhan Allah pe malaekat kase tau pa Yusuf dalam mimpi, supaya jang dia pigi di Yudea tapi pigi di daera Galilea.

Matius 2:22 ပူးပေါင်းရင်းမြစ်များ

Matius 1:20

Tapi waktu Yusuf masi pikir-pikir dia pe rencana itu, Tuhan Allah pe malaekat datang pa dia dalam mimpi, kong bilang pa dia, “Yusuf, raja Daud pe turunan. Ngana tara usa tako ambe pa Maria jadi ngana pe bini, karna ana yang ada pa dia pe dalam puru itu dari Roh Kudus.

Matius 2:1

Yesus lahir di Betlehem di daera Yudea, waktu Herodes jadi raja di sana. Waktu itu, babarapa orang yang pintar lia bintang pe arti, dorang datang dari bagian timur pigi di kota Yerusalem.

Matius 2:19

Waktu raja Herodes so mati, Yusuf masi di Mesir, kong dia mimpi Tuhan Allah pe malaekat satu datang, turus bilang pa dia,

Matius 2:21

Pe dengar itu, Yusuf bangun kong bawa Anak itu deng Dia pe mama pulang di tana Israel.

Matius 3:13

Waktu itu, Yesus datang dari daera Galilea pigi ka sana di kali Yordan supaya Yohanes baptis pa Dia.

Lukas 2:39

Bagitu Yusuf deng Maria so abis biking samua acara iko Tuhan Allah pe aturan di lima kitab Musa, dorang samua pulang pa dong pe ruma di kota Nazaret, di daera Galilea.

Yohanes 7:52

Kong dorang bilang pa dia, “Bikiapa kong bapa bela pa Dia? Bapa ini bukang orang Galilea to? Coba bapa priksa bae-bae di Kitab Suci. Di situ bapa bole tau, tara perna ada nabi yang datang dari daera Galilea, biar cuma satu me, tarada.”